Тецьда’’ ёльцяӈгана

Лимбя иры нердена яля’’ ёльце теци’’. Пихина мэвахана’’ пайдына’’, нирциена’’ седяворӈа’’. Ӈодьварехэта ӈадиберта яля’ сэв моренанадарев’ ту’’ӈа, янда ний хал’’кана лехэбты.

Время для чтения ~ 1 минута

Яля’ сэв тецьдахад морена. Сидяӈг: А.Яптик’ тадтавы

Тев’ ёльцяӈгана ты пэртя’’ яв’ тяхана мэ’’, пэдара’ поӈгана иле’’. Мядото’ хэвхы’’ ямбъя’’ пя’’ мерцям’ няндо’ ни’’ ӈэдарамбю’’. Ты’’ ӈод’’ таӈга хадырӈа’’, нюлак сырам’ сабкаби’’, едебям’ пилюць ӈаха’’на ни’’ ханас’’. Яда сыӈгоси, ханяхавана буранари’’ хэрна’’ со’’. Ненэця’’ ӈэвадяромби’’, хардахад мядондидо’ турӈа’’, пиндуванзь хан’’ӈа’’, сэдъидо’ ня’’амби’’, нито’ мяк’’ ӈэдалёрӈа’’.

Пя’’ ний сырахана синды’’. Сидяӈг: А.Яптик’ тадтавы

Автор: Анна Яптик’ падвы

Авторы

Няръяна Нгэрм

05:40, 13 января 2024

Темы