Лух Авт
Муңев сайӆаты хоятат няврэмӆаӆ мойӆаптаӆайт
Таӆ соханты унты ляль харан уӆты хоятат няврэмӆаӆ Яӆап таӆ кеша охаң нётопсайн маӆайт. Нийӆхус таӆ унты уӆты няврэмат вет щёрас соӆкувайн нётӆайт. Шимащ нэпек Ямал губернатор Дмитрий Артюхов ёшпосан понтсаӆӆы.
Хой ащи нэмат социальной защита хоща постаман уӆӆат, щи хоятата мохты нётопса ёхатаӆ. Ляль хара веӆщи манам хоятат щита ант ки уӆӆат, мосаӆ яӆап таӆ тыӆащ 31-мет хатӆ 2024-мет таӆ унты яңхты па нэпек ханшты. Муй па сайт ЯНАО департамент социальной защита хоща ӆоңтыты. Няврэм округан уӆты вераӆ уӆ.
«Муңев мосаӆ муң ӆыӆӆув сайӆаты хоятӆув семьяята нётты — щит воӆаң вер. Номас понтсув кашң семьяя нётты, хой ляль харан уӆ: мобилизованной, командированной, контракт щиран муй па ЧВК мохты ӆяӆясаӆ. Щит ун нётопса Яӆап таӆ кеша маты мойӆапсаята», — Дмитрий Артюхов ястас.
Ямалан ветъяң моӆтас нётопса СВО хоща уӆты хоятат семьяйт ураңан постаман уӆӆат. Информационной киоск эӆты щи айкеӆат мощатты рахаӆ. Моӆты вер сахат «Защитники Отечества» фонда айкеӆ верты рахаӆ па инщасты, щи тумпийн куртаң муй па вошаң утхота яңхты.
Аллина Тоярова ханшам потар
Авторы
Лух Авт
Темы