Лух Авт
Оругев эӆты уятты аршак хоят ёхатаӆ
Москва вошан Ас потты тыӆасян няӆмет хатаӆан «Россия» форум-вантопса пуншӆа. Си вантопсайн уӆты хоятат округева путёвкайт шитты верытӆат. Ёхтам хоятат округ эӆты инсясапса-касапсайн касты питӆат. Хус хоят, хой аршак округев эӆты уятаӆ, пирыӆа.
Ас потты тыӆасян няӆмет хатаӆан розыгрыш онлайн-форматан манаӆ. Нох питам хоятӆаӆ «ВКонтакте» па «Туризм Ямал мувеван» группайн ханшӆайт. Хоятат «Путешествие на Полярный круг» тур программа хуват па атэӆ кат хатӆа сютсяты ёхатты верытӆат.
Вантопсайн хус таӆ сыс округ достиженияйт этаӆтыты питӆайт. Мойң хоятат округ хоятӆув, уӆапсайӆув, хорам тахайт эӆты хуӆатты па вантты верытӆат.
Си форум ун кер тыӆась катхосьяңмет хатӆ унты манты питаӆ. Ин ВДНХ хося округ эӆты хар ӆэсятӆа. Си еӆпийн округ кусяев ӆувеӆ вантты яңхас.
Ас потты тыӆась хольмаң пеӆа хутмет хатӆ Округ хатӆа постаса. Си хатаӆан ёхтам хоятата вантопсайт, мойӆапсайт округ эӆты ӆэсятӆайт, мастер-классат верӆайт, шоши мир ёх ӆэтотан ӆапатӆайт, округ арыты якты хоятат каш этаӆтыӆат.
Еӆпи уӆам округ ӆаңкар нэ Татьяна Бучкова си уйтантопса эӆты вантман тайты питӆаӆӆы.
Альбина Тырлина ханшам потар
Авторы
Лух Авт
Темы