Няръяна Ӈэрм
Нерденаӈэ тэраӈгурӈаˮ
Вэбаʼ ирыхына юкад вата сидндетимдей яляхад няхарˮ яляʼ ямбанʼ тэраӈговамʼ мэтаваˮ. Сямянхат нерденаӈэ ӈыхы яхана иленаˮ ненэцяˮ тэраӈго пэйдаць. Сяхаринда мюсертаˮ ӈэрмʼ терˮ теневасетыˮ: таславы яляхана тэраӈгоди ядэланаˮ тиртя ӈаноˮ ӈэдалёртаˮ.
Хэвы сиˮив яляхана тиртя ӈаноˮ вымна, ёртиˮ таӈоцяˮмана тилыдаць. Ты пэртяхаˮ, нядэнаˮ мякˮ, яʼ тебтмʼ тарпрамбадахаˮ тэворӈаць. Ханяӈыˮ ненэцяӈгˮ ту ӈанохоˮна, машинахаˮна ӈэдалёрӈаˮ. Тевʼ ёльцяӈгана мале самляӈг юркад вата янаˮ терˮ пидтеˮмидоʼ ӈабтавыˮ. Мерʼ тэраӈговамʼ вэбаʼ ирыʼ 17 яляʼ ӈэсондʼ минреӈгудоʼ. Новый Портʼ, Сёяхаʼ няд мюсертаˮ ненэциеˮ ӈэсыˮмана пилю ирыʼ 30 яляʼ ӈэдалёрць пэйдаць. Тиртя ӈанохонандоʼ тэраӈгосьʼ лабтэймдоʼ, таранаˮ падродоʼ тэволаˮ. Таремʼ янаˮ ӈардавна хусувэй ӈэсынʼ ӈамдортаˮ. Хардахаˮна иленаӈэ яляʼ падарˮмана таславы яляхана ӈобтикы малʼ харˮнаˮ инаˮ серʼ тэраӈгодаваˮ.
Галина Окотэттоʼ падвы
Авторы
Няръяна Нгэрм
Темы