Лух Авт
Еӊк манаӆ – яӆап юш пуншантаӆ
Ай куртатан, ун вошатан хоятат ӆавӆасман уӆӆат, хун еӊк манаӆ. Мортаӊа ущ тыӆащан кат Ас хуват тутаӊ хопат яӊхты щи питӆат. Куртат кутан мотораӊ хопат ховиӆат.
Тампуш хоятат тутӆыты хут хоп эсаӆӆа. Округ куртат унты хопат яӊхты питӆат, щаӆта Суматвош унты, там еӆпи таӆат иты, ищи хоп яӊхты питаӆ.
Пулӊават — Ӆапатнаӊк вошӊан кутан хоятат па машинайт тутӆыты ураӊан ищиты хут паром яӊхаӆ. Ӆавӆасӆа, хун еӊк иуӆты манаӆ. Пулӊават — Зелёной Яр кутан таӆ-ӆуӊ хопат морт хатӆатан яӊхӆат.
Яӆап юш пуншатты вер эӆты каматса ясаӊ Арина Борисовна Уксюмова ястас, ӆув Горка вошан уӆ: «Хащам таӆатан ин утаӆсув иса ӆуӊ сыс «Метеор» хопатна яӊхты. Там еӆпи таӆатан теплоходат ищи яӊхиӆысат. Щи порайн рахас Топоӆ вош унты ёхтаптыты, ин па Тюмень унты тохӆаӊ хопан манты мосаӆ. Йиӊк хуват яӊхты юш ищипа тынӆышак. Щишан таӆ сыс ант уйтантыйм рутӆув па ӆухасӆув пиӆан уйтантыӆув».
Йиӊк хуват яӊхты юш няӆ щёрас километрая таӆасман уӆ. Округ хуват хутхощъяӊ курта па воша хоятат ёхтаптаты верытӆат. Туняӆ 350 пуш тыеӆ-тохеӆ хопат яӊхсат, 69 300 хоят тутӆыса.
Аллина Тоярова ханшам потар
Авторы
Лух Авт
Темы