обновлено: 12:29, 02 июля 2026
Лух Авт
Еӆӆы утаӆтыты манты ураӊан
Хон мувев хуват ашкуӆа етшам юпийн, рупата пеӆа утаӆтыты хотата нэпекат китты пора ёхтас. Техникумат па колледжат хося утаӆтыты утситы няврэмат кеша ох ант сохаптаты 880 сёрас утаӆтыты таха ӆэсятман уӆ, университетатан — 620 сёрас симась места.
Тампуш Пулӊават вошан Ямальской многопрофильной колледжан 755 утаӆтыты таха, Ӆапатнаӊк вош филиалан — 248 места ӆэсятман уӆ. Муй хорпи рупата пеӆа утаӆтыты тахайт уӆӆат, колледж сайт хося вантты рахаӆ.
Там таӆан яӆап сират этсат. Мосты нэпекат «Поступление в вуз онлайн» «Госуслуги» портал па почта хуват китты рахаӆ, сяӆта па утаӆтыты манты воша ёша-кура туты. Утаӆтыты хот сайта нэпекат ющтаты вер пуӊӆа вуса.
Унт ӆор тыӆась хуӆмет па ӆапатмет хатаӆӊан «машья хатӆата» ӆуӊтасты питӆаӊан. Си порайн, утаӆтыты партапса нэпек эттыйн, китам нэпекат ёхӆы вуты па утаӆтыты кашащты китам нэпек пелатты ант рахты питаӆ.
Моӆты инсясапсайт ки тайӆаты приёмной кампания тахайн ӆэрапты рахаӆ па горячей линия — 8 (800) 444-51-15 телефон хуват инсясты.
Альбина Тырлина ханшам потар
