Лух Авт
Ханты уӆапсаев рупатайӆаӆан еӆӆы туӆ
«Дом ремёсел» хотан катхосьяӊ хоят рупитаӆ. Кашӊ таӆ план хуват госзадание верӆат. Там таӆ еӆпийн, таӆ сыс фонда кат рупата ӆэсятты па маты мосас. Тампуш аршак. Си тумпийн, сита рупитты ёх таӆ сыс па ар хорпи пормасат верӆат. Верам рупатайт, хун мосмитаӆ, аӆ вуӆайт па вантопсайн этаӆтаӆайт.
Манты верӆаӆ эӆты Александра Ларионовна каматса ясаӊ ястас: «Ин ма рупатайн масайм, вантопсайт ураӊан ар хорпи ун хорат (панно) верты. Таӆаӊ серия ӆэсятсам: хут рупата верман уӆ, хоӆна кат хасяс. Там таӆан етшаптаӆӆам. Рупатайӆаман ханшет ӆэсятман уӆӆат.
Си еӆпийн ма йи рупатайн ар ай ханшет этаӆтысам. Сикуш хорӆам шеӊк хорасаӊа тыйӆат. Туп сит шеӊк щёхласаӊ вер па каматса тыӆась верты мосаӆ. Ин рупатаем ки кат метра хуват, ханшем йи метрая тыйӆ. Хасям таӆан хоӆна «Река времени» нэмпи рупатайт верман усат. Кашӊ верты хоран ар ай рупата этаӆтыман уӆ. Ар хорпи техника хуват ӆэсятсаӆӆам.
Яӆап таӆ емаӊ хатӆ еӆпийн па яӆап таӆ сютсяты хатӆатан ар хорпи мастер-классатан пиӆтасьсам. Сита ун хоятат па няврэмат пиӆан «Таӆ монсь» хор ханшсув па пасана лаӊкты щашкан (скатерть) ӆэсятсув. Хоӆна «Семейная мастерская» верман ус. Хоятат таӆаӊ хоттэӆатан ёхтыӆысат. Кашӊ ӆув самаӆа хойты вер уйтас, моӆты верас».
Альбина Тырлина ханшам потар
Авторы
Лух Авт
Темы