обновлено: 06:53, 14 июля 2026
Лух Авт
Яӆпитам верат этӆат
Щёхар тыӆась оӆаӊмет хатӆ эӆты хуӆ веӆпасӆаты ёх ураӊан яӆпитам верат ӆэсятсайт. Си онтасан шоши мир хоятата хуӆ кеншака мосятты питаӆ. Хой Единой реестр хося ӆоӊаӆман уӆ, 2027-мет таӆ эӆты симась нэпек верты ант мосаӆ.
Тамась верат округ хуват хуӆ веӆпасӆаты хоятат ураӊан верман уӆӆат. Хой хоӆна симась нэпек ант ӆэсятас, «Госуслуги» хуват китты верытаӆ па МФЦ хотан верты.
👆Шоши мир хоятат, хойтат Единой реестра ӆоӊаӆман ант уӆӆат, 2027-мет таӆа хуӆ мосятты заявка нэпек унт ӆор тыӆась хольмаӊ пеӆа ветмет хатӆ унты куртаӊ уӆты утхотан ханшты мосаӆ. Хоӆна округ агропромышленной комплекс департамента щёхар тыӆась оӆаӊмет хатӆ унты почта хуват китты рахаӆ. Хой си хатӆ юпийн китаӆ, нэпекӆаӆ ант вантӆайт па квотайн ант маӆайт.
Альбина Тырлина ханшам потар
