Лух Авт
Пенсия ох еша эӆатӆа
Ун кер тыӆащ оӆаӊмет хатӆ эӆты пенсия ох эӆатты вер 14,75% арата йиӆ. Хащам таӆ хуват тыӆащ уӆты ох вантӆа па пенсия ох тарамты унты эӆатӆа.
Округеван уӆты катхощъяӊ щёрас моӆтас хоят еша энмам пенсия ох ун кер тыӆащан ёша вуӆат. Кашӊ хоят ӆув вуты хатӆаӆан пенсияйӆ ёхатаӆ.
Социальной пенсия вуты хоятата пиращ икет па нэӊат тумпийн, мушаӊ хоятат, анти муй па ащи ант тайты няврэмат, Воӆаӊ Лялян уӆам хоятат, «Житель блокадного Ленинграда», «Житель осаждённого Севастополя», «Житель осаждённого Сталинграда» меваӆ пос тайты хоятат, там йисан лялятан мушмаӆтам ёх ищи тохи ӆуӊтасӆат.
2025-мет таӆан ант рупитты хоятата тыӆащ уӆты ох 20 893 соӆкувая хойс. Пенсияйн уӆты ант рупитты хоятат, хойтат ёша вуты пенсияеӆ тыӆащ уӆты ох эӆты шимӆа этаӆ, хоӆна региональной доплата сохаптаты вер уӆ.
Хой хоятат пенсия ох эӆты моӆты инщасапса тайӆат ки, там номер хуват 8-800-100-00-01 потарты верытӆат. Уӆты куртӆаӆан-вошӆаӆан «Социальной Фонд России по ЯНАО» хоят пиӆан рупитты хота яӊхты па щита ӆэрапты.
Зоя Куртямова ханшам потар
Авторы
Лух Авт
Темы