обновлено: 06:51, 07 февраля 2023
Лух Авт
«Доброшкола» семинар-практикум пуншса
Ун педагогической путешествия ӆэсятам «Доброшкола» серия семинар-практикумат пуншсайт. Округеван районат кутан мет оӆаң пуш симась уйтантопса верса.
Горка вош коррекционной ашкуӆая Ӆорвош па Приуральской районңан эӆты «Кашң няврэм нох питты щир» («Успех каждого ребёнка») семинар-практикума управление образования специалистат, атом вер эӆты няврэмат вантты комиссия па утаӆтыты хоятат ёхтыӆысат.
Семинаран си ашкуӆайн рупитты ёх рупатаеӆ этаӆтысат, хоты ОВЗ няврэмат утаӆтыӆайт па муй сирн симась няврэмат пиӆан рупитты.
Уйтантопсая ёхтыӆыйм хоятата потар тусат, хоты «Современной ашкула» федеральной проект хуват «Образование» национальной проект пиӆан рупитты мосаӆ. Мойң хоятат ӆэтот каварты щират, ёнтасты па нёхратты рупатайт уроката яңхсат, хоты няврэмат мув пиӆан рупитты па лыптат, арсыр щурнет энмаӆты утаӆтыӆайт, вантсат. Си тумпийн мастер-классатан версайт.
Ёхтам хоятат урокат, уйтантопсайт эӆты вантам cирӆаӆ ӆув урокӆаӆан альты питӆат, мастер-классатан ӆэсятам пормасат няврэмат пиӆан верты.
Татьяна Тоярова мийм хорат