обновлено: 11:34, 26 декабря 2023
Няръяна Ӈэрм
Едэй по’ нерня
Ӈарка пэвдей ирыхына хардона’’ поӈгы’’ яӈгамзеты’’. Ненадо яхана хуркари салабахат мивы’’ я’ сармикэця’’, нув’ сармикэця’’, сюдбя хады’’ ӈадимзеты’’. Таня’ тодо яхат ӈарка ненэцянзавэй турцеты’’. Лампочка’’ лэё’’ ӈа’’и ян’ ӈадясеты’’. Едэйкода ӈацекы’’ тёрдо’ ханярина-танярина сосеты’’. Нянандо’ ӈарка маябцо ӈэсеты.
Время для чтения ~ 1 минута
Салехардана’’ поӈгы тев’ ёльцяӈгана ӈобтикы тумдаита яӈгосеты. Ӈули’’ паскойӈэ сертавэдо’ ӈэсетыдо’. Тарцям’ манэ’’ма’ е’’эмня пэвсюмя’ няна ядэрць сава, лэёдо’ сававна ӈади’’. Ханяри’ тэворпат, маниебцё ӈэсеты. Харад’’ помна ядэрта’’ тарця ё’’ ненадумда’’ми саць харвобтэйдо’.
Пыдара’’ ӈод’’ яханата’’ хардата помна ядэрпата’’, ӈобтикы ӈули’’ сававна сырӈада’’. Маси’’ ӈани’ тарця паской ӈавэ манэ’’тада’’. Няна’’ вадеида’’, манэ’’лабтаида’’.
Автор: М.Яр’ падвы
