обновлено: 06:46, 15 сентября 2023
Няръяна Ӈэрм
Ӈэрм’ яна’’ толаӈгобць’
Ямал’ тер’’ ӈацекы’’ е’’эмня едэй толаӈгобцям’ падвы’’, нюмда «Арктическая азбука». Нюртей классан’ хэвы’’ мал’’ тарця мядонзэй ня’’амвы’’. Ёльце сававна сертавы ӈэвы. Мюйда ӈарханда сомбой, хуркари’’ падта’’мида таня’’, ня’’амбавари, манэсармари то’’олха.
Время для чтения ~ 2 минуты
Маня’’ газетына’’ нямна ӈани’ паднавы’’. «Няръяна Ӈэрм» няби «Мынико» вадаха’ луца вадахана яӈгуху’. Тикэхэюд ненэй ненэцие’’ газета нюмг’.
Ненэй вадавна ӈэда газета ӈамгэхэна тара? Ты пэрта’’ по’ ямбан’ мюсерӈа’’, хардан’ ӈояк’’ тэворӈа’’. Таддикахад я’ ханярина хуркари’’ юн’’ ӈадиберӈа’’. Хусувэй юнхад теневаван’ харва’’. «Няръяна Ӈэрм» газетам’ толабабто’ сямян ӈамгэм’ намда пир’’ӈа’’.
Ӈацекы’’ харто’ «Мыникодо’» таня. Вадамдо’ тохоламби’’, падтаӈгу’’, сянаку’’. Луца тэнзм’ мэта’’ хонаркода’’: «Ненэй вада теневава нянандо’ ӈамгэхэна тарабта?» Толаӈгобця’ тарем’ манда: «Небяха’, нисяха’ вада юрыба ни серос’’».
Тохолкода’’ Я’ мал’ нямна, ӈэрм’ тер’’ ненэцие’’ нямна толаӈгода’’. Тикы’ хавна хуркари сянако, хобцоко хомбаӈгу’’. Волноваха’ няна илена’’ ӈацекэхэрт’’ «Арктическая азбука» ня’’амвы’’. Тарця сомбой толаӈгобцям’ ня’’амбада тохолкобта сата.
Автор: Анна Яптик’ падвы
Фото: М.Яр’ тадтавы
