Няръяна Ӈэрм
Манзаядо’ сиддо’ илебтемби
Салехардхана нюртей мэва «Ямалица» фестиваль ӈась. Яна’’ ханярид товы’’ сэдорана’’ помнандо’ пирдырӈаць.
Время для чтения ~ 1 минута
Мел’’ не’’, хасава’’ сэдъидо’ манэ’’лабтамбиць. Ӈамгэридо’ яӈга ненэця’’ серыбидонзь. Пыдо’ тет ётна пирмдад’ нимня ядэсумби’’. Нюрте’’э’ ӈэрм’ тер’’ невхэхэд мэта’’ емдяро ӈадимде’’. Хуркари ной паны, имбытадо, пиби мэ’’ӈа’’. Не’’ туцяӈодо’ ня’’амби’’, хасава’’ соокадо’, тынзяӈодо’ марцято’ тяхамна мовы’’. Пуна пудандо’ луца имбытадрев’ сэдвы, ӈэрм’ тер’’ паны’’ няю’ тидхалевы’’ ӈамгэри мэта’’ то’’. Тара няби сё мэць мэта ембдяро ӈобтикы манэ’’лабтамбидонзь.
Мядонда’’, марад’ тер’’ хуркари’’ тохолковаха’’на мэсь пирӈадонзь. Ӈодяко паӈгалпи’’, сэдора’’, нямдхат ик’ тяхана мэта сертаби’’, падтаӈгу’’. Тикахад сёётэй няха’’на инзелеваць. Тодо’’ тэнз’’ ненэцие’’ вада’’ ханярид соць. «Ярмарка»‘ хэвувна ядэртахарт’’, тэмдортахарт хынотаха’’ сырманзь паромбиць.
Автор: А.Яптикы’ падвы
Авторы
Няръяна Нгэрм
Темы