Няръяна Ӈэрм
Мядодо’ пон’ ӈатевыдо’
Едэй по’ нерцю’’ Ямальской район’ тер’’ едэй мядо’ ня’’амвы’’. Теда’ несэй ян’ ӈэсовы’’ нина’’ ёльце маймби’’.
Время для чтения ~ 2 минуты
Ӈахат’’ мякат сидя ю’’ самляӈг Салемал’ тер’’, сидя ю’’ мат’’ Яр-Саля’ тер’’ ямдавыд’’. Таддикахад тамна тет мяд’ тер’’ харто’ тэмдавы’’ мядодо’ ня’’амвы’’.
Яр-Саля’ хардахана иленаха’ Екатерина няби Валерий Сэротэттаха’ едэй мяти’ пон’ ӈатевэди’. Тарем’ ӈатенанаханди’ ӈацекыди’ мале ӈармы’’. Мято’ мюй’ тыяромы, хусувэйдо’ харта лохокон’ харвавы. Екатерина няна лаханась:
- Мале едэй мяканана иле пэйнаць, ӈамгэрина тэвэйнаць. Лакамбой’ мэта мя’’ма’’ терсялмдеваць. Харе’’ мяципой’’ ӈули’’ вэвась, тидпой’’ ӈопой яхана ниваць иле’’, хусувэхэт ямдаӈгаваць. Тедахав’ ёльце савов. Сомбой, пирця, яля, таӈго мяд’ мюня илеӈгува’’. Мя’’на’’ мюня хусувэй ӈамгэва’’ таня. Илма’’ ӈахатанда то’’олха ни ӈэӈгу’’. Едэй пова’’ едэй мякана мэтава’’.
Мядм’ ня’’амвахав ненэся тарси’’ сава сер’’.
Автор: Анна Яптик’ падвы
Сидяӈг: А.Яптик’ тадтавы
Авторы
Няръяна Нгэрм
Темы