Няръяна Ӈэрм
Невхы иланд’ тэвына’’
Саляӈгардахана «Полярис» харад’ мюня «Весь этот мир» выставка миӈа. Яра’ иры нябимдей яляхад пэяць. Ты’’ саполана иры’ 3 яля’ ӈэсонд’ минда.
Время для чтения ~ 2 минуты
«Няръяна Ӈэрм»‘ тер’’ ныланава’ яляхана етри’ ханяхав ядэрцеты’’. Илебей ненэцие’’ мэлава’ хардан’ хэсь таславась. Таняна хусувэхэт манэ’’манда’’ сер’’ танясеты’’.
Сюдбяко париденя тохоця есертарев’ ӈыдавы’’. Нерня пиняӈэмда манэць тасладм’. Сидяӈг’’ танявы’’, сэр’’ тикахад паридевы’’. Тамна сидяӈгаха’’на ӈэрм’ тер’’ нини манэ’’ӈадамзь.Пуна есяр’ мю’ тюдм’. Хуты’ ни’ серабада нензо падко (бахилы) сера таравысь. Ӈэни таб’ ни’ таныд’’. Мюймда мэкадавна табхана ӈонавэдо’. Тю’’у’ падта’’ми ӈыдавы’’. Падар’’ то’’олха’’ ниць ӈа’’, тохоця то’’олхаць. Мал’’ паридеркаць, сэраркаць. Ты пэрти’’ сидяӈг’’ мюнанда ӈани’ танявыць.
Выставкахана ӈэда манзая’’ яна’’ ханярид ӈэда’’ ненэця’’ сертавы’’. Пыдо’ тикыдо’ сертавандо’ е’’эмня Ямална’’ тиӈгэвна ӈэдалёрмы’’, ӈэрм’ тер’’ ила’ саирм’ няби вади тохоламбавы’’.
Автор: Анна Яптик’ падвы
Авторы
Няръяна Нгэрм
Темы