Няръяна Ӈэрм
Нисянана’’
Хусувэй хибя’’ нисянадо’ таня’’. Пыдо’ ситипой’’ яля’ сэвм’ ниваць маниеӈгу’’. Тюку илаӈгана хуркари ехэрана хэбидя яля’’ ӈадиберӈа’’, ӈобто’ нисянана’’ ед’ таславы. Тикава’’ хор’’ иры’ юкад вата хасаваюдимдей яляхана ядабтамбаӈгува’’.
Время для чтения ~ 2 минуты
Вы’ илаӈгана нисясипой’’ нерняӈы яля ни ӈадю’’. Ненэйвана хасава ӈацекы’’ ӈацяхандо’ сыраць хой’ илам’ тохоламби’’. Ӈодь’’ мале ӈэта ни’ нул’’махаданда тынзямда ня’’ам’’махаданда нисянда пумна ты’’ помна ядэлаӈгу’’. Мирць пэб’’нанда, ӈобтикы нисянда хэвхана ӈамдёда, нердена пясикамда тарем’ миӈгуда. Пя’ харм’ ня’’амванда нерня ӈацяханда сырта. Тэхэ’’на мэна’’ ӈэбато’ ӈэдалёртахад сяхаринда хаёванда ни ӈа’’. Ватаӈгохоб’’, лаӈг’ ниня ӈамдёхортабато’, хасава нюхуна сава, пыда сэвта вэкна ӈанэрта нисямда мание. Сюдбя идюрцям’ ня’’амба нисянда ядхана ядаӈгу.
Тарем’ янамбовна хасава ӈацекы’’ нисянато’ ядхана вы’ илам’ тохоламби’’. Няндо’ сыраць сяхаринда сидто’ тохолавэндо’ ватом’ нёдаӈгу’’, тамна’ тяха’ мале харто’ нюдо’ тидхалембаӈгу’’.
Автор: Марина Марюй’ падвы
Авторы
Няръяна Нгэрм
Темы