Няръяна Ӈэрм
Сава няд’’мам’ ӈэдабтавы’’
Россия яна’’ тер ӈопой ныхым’ мэць СВО’ няна ненэцие’’ илам’ лэтрамби’’. Мяканандо’ мэна нидо’ сиддо’ нядаба ӈани’ варемдо’ мэ’’ӈа’’. Сайнорта няхато’ ӈэдабтавэдо’ ӈока.
Время для чтения ~ 2 минуты
Ямална’’ тер’’ ӈани’ нядаӈгурӈа’’. Тарем’ тандаярка’ Ямальской районхы Сюнай-Саля’ тер’’ мале сян ӈарка’’я панта лабтэйм’ ма’’лавы’’. Тердандо’ хасуй ӈавар, пардон, мата мэта’’ ӈамгэри, ембдяр, насак мэвы’’.
Ненадовна тохолкода ӈацекэця’’ нядаӈговы’’. Небянадо’ няць лапкавна ядэрмы’’, тэмдормы’’. Таславы яля’ школахандо’ тэвравыдо’. Сиддо’ тохоламбада’’ ӈарка нидо’ тикы ӈаворидо’ падар’’ лэбтэй’’ мю’ сабвыдо’. Сайнорта нито’ е’’эмня ӈэвамдо’ ненадумдавэдо’: «#Zащитникам Отечества».
Сырэй нумгана ханярина тецьда я’’авлы. Сайнорта нина’’ сававна ембдёбто’, серодо’ ӈани’ сава’’ ӈэӈгу’’. Ӈадьбята ӈани ӈавар’’, ембдяр’’ поӈгана нюлак, лимбика насак’’ таня’’. Салиндер Асия Алексеевна паӈгалмыда. Езынги Светлана Сомдювна хасава нюда СВО’ няна мэ. Ӈокханда самляӈг юд’ мян’ хобам’ таня’ ӈэдабтавы. Сайнорта’’ ненэця’’ харто’ таслаӈгудо’, ханзер’’ мэтыдо’.
СВО’ няна Ямална’’ тер’’ тенева’’: нямнандо’ етри’ ибедорӈава’’, таняна сававна илевандо’ е’’эмня Ямал’ тер’’ етри’ нядаӈгурта’’.
Автор: Г.Окотэтто’ падвы
Авторы
Няръяна Нгэрм
Темы