Сёётэй вада со

«Няръяна Ӈэрм» юн’’ падар’’ я’ ӈардавна ӈопойри. Ӈацекына’’ толаӈгобцьӈэ «Мыником’» падыбива’’. Пыдо’ харто’ падтавыдо’, падвыдо’ редакцияхана’’ ӈэдабтамби’’.

Время для чтения ~ 2 минуты

Ненэй вадавна падна, толаӈго теневана ненэцие’’ е’’эмня «Сёётэй вада» пирдырмам’ сертабиваць. Ӈармы ненэця’’, ӈацекы’’ падна, падтаӈго теневабцудо’ ӈадимдембиць.

«Няръяна Ӈэрм» газета тэволана тиртя ӈано. Худи Ангелина’ падтавы

Конкурсан’ ӈэдабтавы’’ манзаи’’ поӈгана газетана’’ нямна ӈэда иле’’ми, стихотворения ня’’маваць. Ӈацекы’’ падтаӈгурӈаць. Ханзер’’ редакцияханандо’ паднава’’, ӈанидо’ ты пэрти’’ няць мюсерӈа’’, ёрти’’ ӈанохона Саля’ яв’ мюмня ӈэдалёрӈа’’, тадтаӈго мэта мутрыдо’ тунидрев’ мэ’’эйдо’.

Ёльце падна’’, ӈамгэхэрт сиддо’ ни лаво’’ламбю’’. Варвара Анагуричи’ падтавы

Сямянхат сава’’ рассказ’’, стихотворения’’, падта’’ма’’ мале падыба пяйнаць. Толаӈгурӈада’’, тадта’’ма манэ’’саръяда’’, маси’’ сяхари’ хибяхавара’’ харта иламда толаӈгу, сидяӈгаха’’на теневана нида хоӈгу.

Хой’ няна толаӈгова ненэся сава. Анастасия Анагуричи’ падтавы

Нюртей падта’’ма Юлиана Окотэтто сертавы.

Автор: Галина Кинчина’ падвы

Авторы

Няръяна Нгэрм

04:30, 12 января 2024

Темы