Лух Авт
«Агростартап» касапса пинтщас
Ямал мувна «Агростартап» касапса пинтщас, щи касапса онтасна ӆув вер тайты нэңхэт 1,5 млн эваӆт 7 млн моса грант ох сытта веритӆат.
Ясна пайтты грант ох мув, энмаӆты вай, щищкурэкат, хуӆ веӆты пормасат, сельхозтехника, машинайт, ропытты порайна тайты пормасат тахайна пасатта рахал. Щи томпына проектной нэпекат ӆэщатты тахайна, йиӆап хат верты па ремонт хоща, тут кортэт таӆты тахайна па тайты кредит лап тохарта рахал.
Нох питты нэңхэт камантсы критерий хуват артаӆата питӆайт, щит хой нэңхэт эӆты ропытты тахайт ӆэщатаӆ, хой мет ар ӆытыт энмаӆтаӆ па тыныйӆ, щи томпына вантта питӆа, мала нэңхэт щит эваӆт мет ямас лотӆат.
«Агростартап» конкурсна касты ораңна масӆ унт ӆор тыӆащ 23-мет хатӆ маса заявка китта, кат щирна рахал: «Мой бизнес» центр хоща па онлайн АПК сфера портал хоща («Госуслуги» хуват). Щита каста веритӆат хой ИП тайӆ, крестьянско-фермерский хозяйство па Хон мув нэңхэт, хой грант сыттаӆ юпина предприятие верӆ.
Вера Лонгортова хансам потар
Авторы
Лух Авт
Темы