Pulse.Mail

Дзен Платформа

Google.News

Дзен Новости

Геннадий Владимирович энамты па айӆат ханты, ур, саран няврэмат пиӆан шеӊк самаӊа рупитас, ищи матты ӆув ащия ус. Хор: Светлана Фаворская архив эӆты

<div class="content-lead">Кашӊ таӆ Россия хон мувев ӆоватан няврэмат касты па юращты утаӆтаты хоятат емаӊ хатӆ постаӆа. Ӆув ай тахайт потты тыӆащ 30-мет хатӆа хойӆ. Там пуш щи кеша Пулӊават хоятат Геннадий Сысолятин нумаӆматы ураӊна яха актащисат.</div><p>Няврэмат касты па юращты утаӆтаты хоятат емаӊ хатӆ еӆпийн, ай тахайт потты тыӆащ 25-мет хатаӆн, «Ямал мувем саман тайсэм» нэмпи уйтантты хар ӆэщатыса. «Наследие» нэпек ӆуӊатты хотан ар хоят актащийс. Кашӊ ёхтыӆыйм хоят Геннадий Владимирович уӆмаӆан шеӊк яма уйтсэӆ, щишан ар ям ясаӊ ӆув эӆтаеӆ потартсат.</p><div class="content-new-image"><img alt="pic" src="https://storage.yandexcloud.net/ym-sites-static/bfef9469-152.webp" style="width:100%" height="1439" width="2560"/><div class="content-image_child">Глеб Яунгад па Виолетта Ниязова тамиты ястасӊан: «Нын уйтӆаты Геннадий Владимирович Сысолятин…?». Хор: Алексей Мазурин</div></div><p>Уйтантопсая ёхтам энамты няврэмӊан Глеб Яунгад па Виолетта Ниязова тамиты ястасӊан: «Нын уйтӆаты Геннадий Владимирович Сысолятин…? Овс мув шимӆаӊ рут мир няврэмат кеша Ямал мувев ӆоватан, 1982-мет таӆан, Овс мув шимӆаӊ рут мир ёх касапсайӊ ашкуӆа пуншты ураӊан, муй арат ӆув юр понас. Щита ӆув оӆаӊ кущая понтса, 2009-мет таӆ унты рупитас. Щи тумпийн кашӊ районан па куртан няврэмат касты питсат. Хоӆна куртаӊ няврэмат ураӊна хорам хорат ханшты касапса ӆэщатысӆы, па щи отӆаӆ йи нэпека поныӆысӆы. Мир ӆоватна вантсайт».</p><div class="content-new-image"><img alt="pic" src="https://storage.yandexcloud.net/ym-sites-static/51ed84bb-a80.webp" style="width:100%" height="1440" width="2558"/><div class="content-image_child">Хор: Светлана Фаворская архив эӆты</div></div><p>Геннадий Сысолятин 1954-мет таӆан Пулӊаватан сэма питас. Кимет ашкуӆайн утаӆтыйс. Щаӆта педагогической училище етшаптас. Ай пора эӆты касты па юращты верат пеӆа шеӊк самаӊ ус. Ванты, энаммаӆ порайн, ӆув пиӆэӆан хантэт, урат па саранат ӆухсаӊа усат. Ӆувеӆа алиӆысат, хоты сахат ӆув кутӆаӆан, ӆув уӆты тахайӆаӆан касты ӆойӆыӆат. Щишан ӆув унашак ювмаӆан, касты верат еӆӆы пеӆа туты ураӊна нэпека понты номас понас. Айнайн, щиты Овс мув шимӆаӊ рут мир ёх касапсайт Советской союз ӆоватан уйтты питсайт.</p><div class="content-new-image"><img alt="pic" src="https://storage.yandexcloud.net/ym-sites-static/af020e41-0c0.webp" style="width:100%" height="1440" width="2560"/><div class="content-image_child">Хор: Светлана Фаворская архив эӆты</div></div><p>Ямал мувев ӆоватан, 1979-мет таӆ эӆты 2009 мет таӆ унты, ӆув мет ун тренера ус. Щи сыс Ямал мувев касты ёх хольмаӊ моӆтас пуш Россия Хон мувев ӆоватан нох питыӆысат. Уӆмаӆан, Геннадий Владимирович энамты па айӆат ханты, ур, саран няврэмат пиӆан шеӊк самаӊа рупитас, ищи матты ӆув ащия ус. Рупитмаӆ сыс ӆув 32 хоят мастер спорта РСФСР па 30 хоят мастер спорта кандидат РСФСР энмаӆтас па утаӆтас. Щи тумпийн Россия па па муватан 18 хоят нох питыӆыйс.</p><div class="content-new-image"><img alt="pic" src="https://storage.yandexcloud.net/ym-sites-static/ec859e5b-e5b.webp" style="width:100%" height="731" width="1300"/><div class="content-image_child">Хор: Геннадий Сысолятин архив эӆты</div></div><p>Ӆув хощайӆ утаӆтыты яӊхиӆыйм хоятат кутан Евгений Озелов па ус. Щит эӆты каматса ясаӊ ястас: «Геннадий Владимирович муӊев анта туп касты утаӆтасӆы. Щи тумпийн па кимет вератан ищи муӊев нётасас. Ванты, муӊ Пулӊаватан утща усув, ащи-анти ванан антом. Щишан ӆув щи муӊев ащи иты ус. Муӊ верӆув сахат яӊхас, онтас верас. Муӊев каш верман патан тутӆысӆы. Шеӊк ям номасан ӆувеӆ нумӆэв!».</p><div class="content-new-image"><img alt="pic" src="https://storage.yandexcloud.net/ym-sites-static/a535a88b-a00.webp" style="width:100%" height="1405" width="2499"/><div class="content-image_child">Хор: Андрей Ткачев/Ямал-Медиа</div></div><p>Иван Сандрин ханшам потар</p>

Ямал мувем саман тайсэм

Мария Двинянинова охаль па рущ ясӊатн ӆуӊтарат ханшаӆ.   Хор: Владимир Енов

<div class="content-lead">Там ванан ияха актащам хоятат кутн йисаӊ-нуптаӊ тус ӆуӊтарат ханшты охаль ими Мария Двинянинова пиӆн уйтантысув. Ӆув муӊева уӆты-хоӆты щирӆаӆ па литературной верӆаӆ эӆты ям арат айкеӆ верас.</div><p>Мария Тихоновна Двинянинова (Номина) 1951-мет таӆн Няксимволь куртан Суматвош районан хуӆ-вой веӆпасӆаты хоттэӆ ёх хоща там нови туром иӆпия ёхтас па айтэӆн иса охалят кутатн ус па энмас. 1968-мет таӆн ӆув Няксимволь куртаӆн нийӆ класс вуш унты ашкуӆа-интернат етшаптас. Щит сохнаптамаӆ юпийн охаль эви Суматвош кутап ашкуӆа-интернатн еӆӆы утаӆтыты вуянтас.</p><div class="content-new-image"><img alt="pic" src="https://storage.yandexcloud.net/ym-sites-static/db5b4484-fa2.webp" style="width:100%" height="1440" width="2160"/><div class="content-image_child">Хор: Владимир Енов</div></div><p>Там нэ верам айкеӆат щирн, муӊ япсыена оша пайтсув, хоты щи йисн шеӊк ар няврэм щи тахайн ус па еӆӆы пеӆа утаӆтыйс. Щи порайн, щи кутап ашкуӆа-интернатаӆн уӆтаӆ муй утаӆтытаӆан, Мария турсыйӆ уштатыя питас. Щиӊанща и тухаӆ щёсн иса потартыя ант па верытас. Щимащ вер ураӊан арсыр урокат манты пораятн ӆув нэпекат хуват иса утаӆтыйс. Ӆувеӆ утаӆтаты ёхӆаӆа-нэӊӆаӆа ар пелак щиты щи ӆув верам айкеӆӆаӆ нэпекан ханшас па туметан щитат ӆуӊатсайт, юхат ошаӊа муй щащаӊа версайт. Щиты охаль эвие аратэӆн хут тыӆащ сыс турсыйӆ хоӆыена уштыӆысӆы. Хун кутап ашкуӆа щи Суматвошн етшаптатыя питас, мет хащам тыӆщатн Мария веӆщи тумтака йитыя питас па турсыйӆ ӆув хощайӆ иса яӆпа щи ёхтас. Ищи порайн ӆувеӆ утаӆтыйм хоятат охаль эвия щиты ястасат, еӆӆы туп арсыр хатнэху мушат яммаӆтыты нэӊа ат утаӆтыйӆ. Ванта-са, ашкуӆайн няврэмат утаӆтатыя турсыйӆ муш вер ураӊан рупиттыя и пуша ант па верыттаӆ. Щимащ вераӆ ураӊан Мария нумасты питас, еӆӆы утаӆтыты ураӊан, муйсыр медицинской училищая ӆувеӆа манты мосаӆ.</p><div class="content-new-image"><img alt="pic" src="https://storage.yandexcloud.net/ym-sites-static/5e5bf2ef-71c.webp" style="width:100%" height="1440" width="2160"/><div class="content-image_child">Хор: Владимир Енов</div></div><p>Щиӊанща Суматвошаӊ кутап ашкуӆа-интернатаӆ етшаптамаӆ юпийн Мария Номина Ялуторовск вошан веӆщишак пуншам медицинской училищая манас. Щи тахаяӆн акушер нэ щирата еӆӆы утаӆтыты ун кущаятн вуса.</p><p>Няӆ-вет тыӆащ манам юпийн ӆув фельдшер тахая пайтса. Кашӊ порайн медицинской практикая охаль эвие Суматвош район леккар хотаӆа китыӆыса.</p><p>Юхат па щи тахайӆ эӆты 1974-мет таӆн Хулимсунт курта фельдшер нэ щирн рупитты китса. Хулимсунт па охаль ясаӊ эӆты рущ ясӊа ки кераттыя, щит «мевтэӊ ёхан». Щиты 1996-мет таӆ унты Мария Тихоновна ӆув мираӆ хоятат хоща арсыр муш верат вантман па ӆэщатман вещката ус па рупитас.</p><p>Имоӆтыйн ма инщмасэм ӆувеӆ, ай леккара уӆты рупатаяӆн моӆты ӆавартаӊ муй щёхласаӊ верат, аӆ па уӆӆысат. Мария Тихоновна нумаӆмасӆы хоты 1986-мет таӆн щимащ ӆавартаӊ вер ӆув рупатаяӆн ликмас.</p><p>Щи порайн, Хулимсунт куртэӆ мохты газовой трасса ӆэщатса. Унтан, ар рупата верты хоятат кутн и няврэм шаӊкап ӆаварт мушн ёхатса. Унт куртэӆн рупитты па газопровод шавиты ёхат-нэӊат ищи куромн ӆый куртаӊ леккар хотэӆа рация хуват айкеӆ китсат, хоты ай похлэӊкие вевтам муш верн ёхатса. Ай няврэм мушаӆ артаӆаты па оша верты ураӊан, там кутн ӆывеӆа тохӆаӊ хопн фельдшер китты мосаӆ. Щи таӆн Хулимсунт куртаӊ фельдшерско-акушерской таха хоща няврэм мушат вантты ай леккар ими, щаӆта акушер нэ па ус. Ӆын китомтак ай няврэмат тайсаӊан, щи верӆаӆ ураӊан газопровод трасса хоща уӆты унт курта мантыя ант па кашащсаӊан.</p><div class="content-new-image"><img alt="pic" src="https://storage.yandexcloud.net/ym-sites-static/37b6e516-302.webp" style="width:100%" height="1440" width="2560"/><div class="content-image_child">Хор: Владимир Енов</div></div><p>Мария Тихоновна сора актащас па тохӆаӊ хопн ищи куромн щий туса. Хун щи няврэм хоща ёхтас, оша версаӆӆы, хоты ӆув ӆаварт торах мушн ёхатса. Щаӆта мушаӊ пох Игрим вошаӊ леккар хота сора туты па мушӆаӆ туӊматтыя, рация хуват санавиация вертолёт вохса. Щиӊанща кимет хатаӆн тохӆаӊ хоп ёхтас па ӆув щи ай похлэӊки лекщитты щи тусӆы. Юхат Мария Тихоновна кимет тохӆаӊ хопан ёхи Хулимсунт куртаӆа щи ёхатмаӆ.</p><p>Мет ёхи хащам кутатн там йисаӊ-нуптаӊ охаль ими манэма потартас, хоты ӆув Няксимволь куртаӊ ашкуӆа-интернатн утаӆтыман умащ ӆуӊтарат ханшты питас. Тамхатӆ Мария Тихоновна охаль па рущ ясӊатн мет туса па хорасаӊа ӆуӊтарат ханштыя утаӆтымаӆ.</p><p>Владимир Енов ханшам потар</p>

Йисаӊ-нуптаӊ охаль ими верам айкеӆат

<div class="content-lead">Ӆуӊан муӊ Зинаида Лонгортова «Любовь Юхура» ханшам нэпек эӆты айкеӆ верыӆысув. Ханшам ун потраӆ Хон Петра вошан нэпека ӆэщатса. Там мосванан ӆув Пулӊавта ёхтас.</div><p>«Любовь Юхура» ханшам нэпека туп йи ун рущ ясаӊаӊ потар ӆоӊаӆман уӆ. Хон Петра вошан «Няӆ» («Четыре») нэмпи издательство хоща щи нэпек 400 экземпляран этас. Туп Ямал мувева ёхтаптыйс, Зинаида Викторовна нумасты питас, хун ӆувеӆ ӆуӊатты хоятата альты па этаӆтаты.</p><p>Щи эӆты ӆув каматса ясаӊ ястас: «Ма там ханшам нэпекем ийикем ащи-анти уӆапса вер эӆты понман уӆ. Хоты Юхур па Посӆаӊнэ яха уйтатсаӊан, хоты ӆаварт Воӆаӊ Ляль порайн па щи юпийн уӆапсайӆ еӆӆы манты питас. Щит эӆты утпем ими иса потартыйс. Ма ӆувеӆ ищи инщасысэм. Ӆув потарӆаӆ айнайн нэпека понты питсаӆӆам. Щиты щи ун нэпека тыйс».</p><p>Тыйм яӆап нэпек «Наследие» нэпек ӆуӊатты хотан Пулӊаватан ӆуӊатты рахаӆ. Хащам ӆапатан Зинаида Лонгортова хашты нэӊев тохи яӊхас па Екатерина Сюлись нэпек ӆуӊатты хот куща нэӊа нэпекаӆ мойӆаптасӆы. Нын па яӊхаты, вантаты па яӆап нэпек ӆуӊтаты.</p><p>Иван Сандрин ханшам потар</p>

Яӆап нэпек Пулӊават ӆуӊатты хотан

Хор: Лариса Базанова / «Ямал-Медиа»

<div class="content-lead">Ай тахайт потты тыӆась ӆапатхосьяӊмет хатаӆан, округ хуватан рупитты ӆапат колледжан уйтантопсайт мантсат. Нийӆ-ихосьяӊмет классатан утаӆтыты няврэмат па асиӆаӆ-аӊкиӆаӆ си хатаӆан ӆув вошӆаӆан уӆты колледжата яӊхты верытсат.</div><p>Ёхтам няврэмат па ун хоятат ещаӆ сита рупитты хоятат потар тусат, муй рупата хуват сита утаӆтыты рахаӆ, муй хорпи утаӆтыты верат уӆӆат.</p><p>Вошаӊ рупитты тахайт эӆты кусяйт пиӆан уйтантопсайт мантсат, ар хорпи мастер-классат, практической рупатайт, консультацияйт па колледжат хуват вантопсайт ӆэсятман усат.</p><p>Рупитты тахайт эӆты вохам хоятат, рупата эӆты муй уятты, рупата хуват муй верты мосаӆ, яӆап рупатая питсяты веӆси этты няврэмата потар тусат. Кашӊ таӆ симась уйтантопсайт верты еӆпийн, ашкуӆа няврэмат рупитты тахаята тутӆыӆайт. Рупитты тахайт альӆат па сита рупитты хоятат пиӆан еӊта пасан суран потрэмиӆат.</p><p>Симась уйтантопсайт «Профессионалитет» федеральной проект «Энамты ёх па няврэмат» национальной проект хуват верман уӆӆат. Округ куся партапса хуват, Овс мувеван рупитты тахаятан мосты рупитты ёх артаӆаӆат па симась уйтантопсайт верӆат.</p><p> Альбина Тырлина ханшам потар</p>

Колледжатан манам уйтантопсайт

Округ ӆоватан факторияйт уӆты ураӊан рупата туӊа-щира манаӆ. Хор: Альбина Тырлина

<div class="content-lead">Там ӆапатан Аксарка вошан Законодательной Собрание Комитет еӊта пасан суран актащийс. Потар манас, хоты сахат факторияйт туӊа-щира уӆты ураӊан рупата туӊматты. Ин няӆ районан 23 факторий рупитаӆ. Таӆ сыс 320 тонна ӆэтот па мосты пормас тувман уса.</div><p>Там уйтантопсайн Кев сыӆ, Ямальской, Надымской па Тазовской район хоятат усат. Потар вуӆы тащат эӆты ищи манас. Аратаӆ тащат хоӆ портунан понман уӆӆат. Щи веран, хой нёхи тыныты ки сонтамаӆ, мосты нэпекат ёшан иса таяӆ.</p><p>«Муӊев мосаӆ антом туп факторияйт уӆапса шавиты, мосаӆ ямашак верты. Щит эӆты хоят уӆапса ӆойӆ. Кашӊ тахайн ӆуӆан, туп ям пормасат па ӆэтотат ат усат. Хоятата мосты отат туп ат тутӆысайт. Тынӆаӆ морткемат, шеӊк оха ант ат аӆмисайт. Касӆыман яӊхты хоятата там факторияйт онтасаӊ хара ат йисат», — Сергей Ямкин ястас.</p><p>Там хатӆатан нийӆ факторияйн Wi-Fi уӆ. Щи веран хоятат тохи ёхатман рутӆаӆ пиӆан потрэмиты, ох китты верытӆат. Хуӆамхощъяӊ факторий таӆ-ӆуӊ рупитаӆ, яӊ пора-порайн, хуӆам-яӊ тыӆащан таӆ сыс. Ӆув рупатаеӆ тащан яӊхты мохет юш эӆты ӆойӆ.</p><p>Камн хоят кашӊ факторияйн камн пуш уӆӆыйӆ, номас понтсат «Мурах» карта мохты артаӆыты. Щи веран ошаӊа йиӆ, муй арат пормас па ӆэтот кашӊ тахая тутӆыты мосаӆ. Кущаята партман уӆ, таӆ сыс каматса пуш касӆыты ёх ӆутасты харат вантыӆыты.</p><p>Вой леккар куща Евгений Попов ясаӊ ищи вуйӆыйс. Там таӆан сибирской язва эӆты 556 щёрас вуӆы портунан понман уӆӆа. Кев сыӆ районан 81 щёрас вуӆыйн аршака йис. Щи тумпийн бруцеллёз па финноз муш шимаӆшак этас.</p><p>Россия ӆоватан артаӆаман муӊ округев мет оӆаӊан RFID мохты вуӆэт ӆуӊатаӆ. Щимащ электронной чип онтасан тащ похла тайты кеншак. Таӆ сыс 132,5 щёрас вуӆыя пос понман уса. 2030-мет таӆ унты аратаӆ вуӆы тащ RFID-биркаяӊа верты нумасӆа. Ӆув ёра тащ тайты рупата хар, хуӆам таӆ сыс, няӆ пуша арашака йис. 431 хоят эӆты 921 хоята хойс. Щит шеӊк ям вер.</p><p>«Мет оӆаӊан мосаӆ ястаты, факторияйт усат па ин уӆӆат Овс мув шимӆаӊ мир хоятат уӆапса шавиты па еӆӆы туты ураӊан. Ӆув онтасэӆан касӆыты мохета кеншак. Ванты, ӆув щита ӆэтот па мосты пормас ӆутты верытӆат. Щи тумпийн, хащам таӆатан муӊ щий аратаӆ уӆапсая мосты вер ӆоӊаӆӆув, ӆув кутэӆан Госуслуги верат. Хоятат кутӆаӆан куртат па вошат хоща уӆты мохет пиӆан потрэматы верытты ураӊан связь туӊматӆув.</p><p>Округ ӆоватан факторияйт уӆты ураӊан рупата туӊа-щира манаӆ, муй веран нётты мосаӆ, муӊ иса вантман тайӆэв. Законодательной Собрание онтасан щи верат нумман па ванан тайӆайт. Мосты верат иса региональной закон щиран ӆоӊаӆӆайт. Моӆты ки мосты питаӆ, муӊ юр па щём понӆув факторияйт ямашак рупитты ураӊан», — Комитет куща Иван Сакал ястас.</p><p>Тамащ уйтантопсайт, хота Овс мув шимӆаӊ мир хоятат уӆапса кентатты ӆаӊхаӆа, шеӊк мосӆат. Нын ищи кашӊ пуш ясаӊ верыӆыяты, моӆты веран нётопса ки ӆаваӆӆаты. Нын уӆапсайн туп нын эӆтайн ӆойӆ.</p><p>Аллина Тоярова ханшам потар</p>

Касӆыты хоятата кеншак ураӊан

ОРВИ па грипп хонсяпсайӊан хоятат ӆыӆ шув хуват кашаӊа йиӆат. Хор: Алина Дьякова/«Ямал-Медиа»

<div class="content-lead">Кашӊ сус округ хоятӆув грипп хонсяпсайн мушитӆат. Няврэмат па ун хоятат мушаӊа ант йиты ураӊан прививкайн верӆайт. Роспотребнадзор ясаӊ эӆты, кашӊ порайн моӆты яӆап хонсяпса нёӊхал этаӆ. Муй сирн кашитты порайн, нынан шавиты мосаӆ, ясаӊ версат.</div><p>Муй арат хоят там йисан мушаӊа йис</p><p>Хасям таӆан там порайн ар хоят кашаӊ ус. Тампуш антом шеӊк ар. Кашӊ таӆ вантӆа, артаӆаӆа, хонсяпсайӊ хоят шимаӆ уӆты ураӊан, муй верты мосаӆ. Там ӆапатан Овс мувеван ОРВИ хонсяпсайн 4 874 хоят мушаӊа йис — 3 574 няврэм, 1 300 ун хоят. Сит 18,6% шимаӆшак хасям ӆапат пиӆан артаӆаман.</p><p>Округев хуват ин кашӊ вошан, куртан прививочной кампанияйт рупитӆат. Там пора сыс 313 863 хоят уколан понты вутсиӆа: 213 260 ун хоята, 100 603 няврэма. Там хатӆатан 115 сёрс хоят портунан понтса. Леккар хоятат ястаӆат, портун ки понӆан, мушен кеншак манаӆ.</p><p>Хоты си муш ӆэрапты рахаӆ па кашаӊа ант йиты</p><p>ОРВИ па грипп хонсяпсайӊан хоятат ӆыӆ шув хуват кашаӊа йиӆат. Хун кашаӊ хоят хуӆӆыйӆ, няхтыйӆ па хоят пиӆан потрэмийӆ, йиӊк сэм нёӊхалӆаӆ ӆыӆ шув пиӆан ӆыӆӆаӆат. Хоӆна арсыр пормас хуват хойӆат. Си порайн, няврэмат, ун хоятат веншӆаӆ, сэмӆаӆ па нёӆӆаӆ кетамтэӆ порайн кашаӊа йиты верытӆат. Леккарат партапса хуват, ёшат лонсях пиӆан яма лёхитты мосаӆ, там йис уӆты антисептикатан нэрты, ар хоят кутан шимаӆшак уӆты.</p><p>Войт эӆты па кашаӊа йиты рахаӆ</p><p>Там йис порайн хоӆна унтан уӆты войт эӆты кашаӊа йиты рахаӆ. Хасям таӆатан ӆув артан хоятат хося этӆат. Хон мувеван Иркутской область хося чума муш ӆэрапса. Вой веӆпасӆаты хоятата си вер па вантман тайты мосаӆ. Мосятам вой нёхеӆ яма ӆэсятты па кавартты.</p><p>Альбина Тырлина ханшам потар</p>

Хонсяпса эӆты хурыяты

Ащиӆан шавиман таяӆан, мосты порайн нётамтаӆан, уӆтан хуват нумман таяӆан! Хор: Альбина Тырлина

<div class="content-lead">Ащие, щикем щи ям ясаӊ, ӆатаӊ ясаӊ, нопсэн ям, хуӆмитэнан. Ащи, ащие — кашӊ пошхиеӆа, ай щущиеӆа, яна щи, вера мосты хоят, воӆаӊ ху.</div><p>Иса щи ӆув хоттэӆ мохиӆаӆа нётасман уӆ, аяӆ-унаӆ нупат ӆаваӆман тайӆаӆӆы. Ащи — щит мет нопсаӊ ху, вещкат ху, тарма уӆты па вераӆ уӆ. Ащиӆув уӆапса тумтак ат питаӆ, йисаӊа-нуптаӊа, щунь ат тайӆат, ой ат тайӆат. Ащиӆан шавиман таяӆан, мосты порайн нётамтаӆан, уӆтан хуват нумман таяӆан!</p><p>Еӆӆы, Асов куртаӊ нэ ханшам ӆуӊтар ӆуӊтаӆан. Любовь Яковлевна Шульгина ащеӆа юкантам ӆуӊтар ханшмаӆ «Ащем нумман тайӆэм». Кашӊ хоят нопсаӆа питаӆ, щит ма ащем эӆты ханшам ӆуӊтар. Щит, ванты, юраӊ ханты ху, кус тайты, щём тайты ханты ики, вой веӆты апраӊ ханты. Мохиӆаӆ пеӆа ям самаӊ хоят.</p><p>Федосья Лельхова ӆэщатсаӆӆы</p>

Ащи ‒ щит мосты хоят

Ханты хоятӊан Валентин Валерьевич Вальгамов па Сергей Валерьевич Аляба усӊан. Хор: Владислав Луцик

<div class="content-lead">Округ хоятӆув там мосванан Австрия, Венгрия, Словакия мувата яӊхсат. Кашӊ порайн Ямал мувева утаӆтыты, культура, мир верат сирн па хон мув хоятат ёхтыӆыӆат. Си тумпийн, Овс мувев эӆты аршак уятты па хорам, тасяӊ мувев вантты ураӊан, энамты ёх, аӆ хоятат па яӊхӆат.</div><p>Хасям таӆатан округ хоятӆув артан па хон мувата вохты питсайт. Овс мувев уӆапса этаӆтыман, кусяйт тумпийн, туса верантты, якты па арыты шоши мир хоятӆув па яӊхӆат. Там яӊхты уйтантопсайн кат ханты хоятӊан Валентин Валерьевич Вальгамов па Сергей Валерьевич Аляба усӊан.</p><p>Округ эӆты уӆам хоятат пиӆан Вена, Будапешт па Братислава вошатан уйтантопсайт мантсат. Воӆаӊ Ляль манам порайн, ляль харан лялясам хоятӆув си вошат нох паятсат па сита уӆты хоятӆаӆ сайӆасат. Валентин Вальгамов ун асикеӆ аси Павел Григорьевич Шиянов си хоятат кутан лялясас. Вена вош нох паятман ус. Си хоятат нумман, си вошатан кев хорат ӆэсятман уӆӆат. Хон муваӊ ёхӆув па ханты хоятэв касьтаты па лыпат понты ураӊан, ханты похӊаӆув кашӊ вошан симась кев хор хося яӊхсаӊан.</p><p>Кашӊ вошан наука па культура Хон мув центран Овс мувев эӆты вантопса пуншман ус. Си вантопсаятан Ямал мувев, уӆапсаев эӆты хорат па округ верантты хоятӆув рупатайт этаӆтыман усат. Си тахаятан туса верантты ханты хоятэв Сергей Аляба мастер-классат аляс, хоты ӆов эӆты пормасат эватӆайт. Эватты, нёхратты пормасӆаӆ па муватан иса этаӆтыӆайт.</p><p>Там яӊхам уйтантопса эӆты ӆув ситы ястас: «Ма антом оӆаӊ пуш па хон мувата яӊхӆам, вантопсаята пиӆтасьӆам. Тампуш «Ямальской филармония» хося рупитты хоятӊан Валентин Вальгамов па Надежда Салиндер пиӆан яӊхсув. Яха Овс мув уӆапсаев этаӆтасув. Кашӊ вошан ма мастер-классат версам, рупатайӆам альсам. Ӆын па русь па рут ясӊанан арат арысӊан, якат якамтысӊан. Хоӆна «Русь ясаӊан арат» фестивалян жюри кутан усӊан.</p><p>Кашӊ уӆам вошан вантопсайт ӆэсятман усат. Будапештан муӊ хоӆна Россия, Белоруссия, Казахстан, Узбекистан па Киргизия муват эӆты уӆам посол кусяйт пиӆан еӊта пасан суран актасисув па потар тусув.</p><p>Будапешт па Братислава вошӊанан уӆты гимназияйӊан, хота няврэмат русь ясаӊ утаӆтыӆат, уйтантопсайт версайт. Сита русь ясӊаӊ нэпек шимаӆ тайӆат. Сишан округев эӆты тувам учебникат па ӆуӊатты нэпекат ашкуӆайӆаӆа мойӆасув. «Энамты рейнджеры» объединенияя ӆуӊтасты айӆат ёх пиӆан па уйтантысув, шоши мир уӆапсаев эӆты потарсув. Ӆувиӆаӆа ма мастер-классат версам, пормасӆам альсам, няврэмат утаӆтасам, хоты си пормасат верӆайт па эватӆайт».</p><p>Си порайн, хун муӊ хоятӆув сита усат, Словакия мув эӆты Пулӊавта па Приуральской района Татранской нацпарк эӆты делегация ёхтыӆыйс. Мувев, йиӊкев, унтэв верат туӊматты, шавиты ураӊан уйтантысат.</p><p>Альбина Тырлина ханшам потар</p>

Шоши мир уӆапса этаӆтыса

Кашӊ хатӆ хошам па амат ат туӆ. Хор: Галина Кельчина

<div class="content-lead">Хасям ӆапатан айкеӆан ёхатсаюв, Ӆорвош куртан уӆты ханты хоятӊан Валерий Карпович па Галина Ивановна Кельчинӊан 50-мет яха уӆты таӆэӆ постасӊан.</div><p>Емаӊ хатӆэӆан куртаӊ куся нэ Мария Михайловна Истомина ёхтыӆыйс, мойӆапса ясаӊ ӆуӊтас па хоятӊаӆаӆ мойӆаптасӆы. Си еӆпийн, Ӆорвош район куся ху Олег Попов ёхтыӆымаӆан, округ куся китам ишакты нэпекан ханты хоятӊан юкантсаӆӆы.</p><div class="content-new-image"><img alt="pic" src="https://s3.yamal.media/ym-sites-static/92227a63-9b6.webp" style="width:100%" height="920" width="1634"/><div class="content-image_child">Ям ясаӊан ястыӆысайӊан па мойӆапсайн мойӆысайӊан. Хор: Галина Кельчина</div></div><p>Хасям таӆан ай тахайт потты тыӆась хусмет хатаӆан Валерий Карпович 70-мет таӆаӆ постас. Тампуш си хатаӆан рут хоятӆаӆ, ӆухасӆаӆ яха ёхтыӆысат, пасан суран актасьман, емаӊ хатӆэӆ па яха уӆты таӆӆаӆ кеша ям ясаӊан ястыӆысайӊан па мойӆапсайн мойӆысайӊан. Хойтат па телефон хуват ясаӊ китсат.</p><p>Округ кусяев мойӆапса ясаӊан ситы ястас: «Ветъяӊ таӆ — сит яха уӆты таӆат, ияха манты юш па верты верат, пиӆэна кашӊ хатӆ верты нётопса. Си арат таӆ яха уӆман, щунь па шук яха усӊан. Еӆӆы пеӆа, нынан хуӆантман па шавиман таятан, кашӊ хатӆ хошам па амат ат туӆ».</p><p>Ин Валерий Карпович па Галина Ивановна пенсияйн уӆӆаӊан. Ӆорвошан уйтантысӊан, уӆман сыс энмам куртэӆан усӊан па рупитсаӊан. Валерий Карпович Тюменской область Заводоуковск вошан тракториста утаӆтыты етшамаӆ юпийн, ар таӆ тракториста па дизелиста куртаӆан рупитас. Горковской рыбозаводан хуӆ веӆман ус, ӆашкупан рупитас.</p><p>Галина Ивановна ашкуӆа етшамаӆ юпийн, Пулӊавта леккар нётты нэӊа утаӆтыты маныӆыйс, ант етшаптас. Сяӆта Владимирской область Собинка вошан сохам верты нэӊа утаӆтыйс. Уӆты ёхи ёхтас. Рупата ант тайман, рыбозаводан ӆуӊ порайн приёмщика ус. Си юпийн, утхотан кассира ар таӆ рупитас, сяӆта па соцзащитайн. Ветъяӊ таӆан пенсияя манас, пиӆ хоятаӆ пиӆан хиӆэӆ энмаӆсаӊан. Си тумпийн, ханты нэӊиев ханты арыты группайн арыйс, касты тахаятан касас, спартакиадаята район па округ хуват яӊхиӆыйс.</p><p>Ханты хоятӊаӆув «Ветеран Ямала» нэм тайӆаӊан, ударника усӊан, уӆман сыс арсыр мойӆапса нэпекатан юкантыӆысайӊан.</p><p>Ма па рут хоятӊаӆам, сам эӆты манты мет ям ясаӊан ястаӆӆам. Тумтака уӆатан, ван хоятӆанан шавиман па вантман ат тайӆайты. Тумтак ёш, тумтак кур! Ойӊа-пищаӊа, йисаӊа-нуптаӊа!</p><p>Альбина Тырлина ханшам потар</p>

Яха уӆты ветъяӊ таӆэӆ постасӊан

Щёхар тыӆащ кутап хатӆатан Мужевской совхоз няӆмет тащ мойӊ хоятатан ёхтыӆысайт. Хор: Алексей Тургачёв мас

<div class="content-lead">Щёхар тыӆащ кутап хатӆатан Мужевской совхоз няӆмет тащ мойӊ хоятатан ёхтыӆысайт. Уйтантыты еӆпийн, мохет потарты хошап хуват ӆув кутэӆан потрэмисат. Тащан уӆты ёх, муй тахайн уӆӆат па вош эӆты йиты хоятӆаӆ, муй мув сыӆ унты ёхатты верытӆат, щит ӆэрапсэӆ.</div><p>Манты хатӆ ёхтаман, Эдуард Ильич Лонгортов Лидия Иосифовна ийимеӆ пиӆан Овкурт эӆты Мужи воша ёхатсаӊан. Щиӆта ай киӆэӆ Алексей Тургачёв Федя похаӆ пиӆан, аэролодка хопа ӆэӆтассат па аӆаӊсахат, нийӆ щёс кеман, Кев пеӆа нёхӆасат.</p><p>Там йисан камн хорпи мелак тахайт хуват яӊхты хопат па сора манты юраӊ мотурат верӆайт. Кеваӊ ёхан хуват манман, щутщаты ӆойӆыман ин мохет хатӆ кутапан Кев лепа ёхатсат. Манам юшеӆ хут щёса хойс. Тут аӆсат, шай каварсат. Щёс шуп хащас па няӆмет вуӆы тащ мохет онасӆаӆ пиӆан касаӆман ин ястам тахая тохи ёхатсат.</p><p>Еӆпи Эдуард Ильич па Лидия Иосифовна ищи тащ хотан касаӆман яӊхсаӊан. Хольмаӊ моӆтаскем таӆ Мужевской совхозан рупитсаӊан. Ин пенсияя манман юпийн, Овкуртан уӆӆаӊан. Хоръер курта яӊхӆаӊан. Щита паварт хотые омассаӊан. Хуӆ веӆпасӆаман па вонщапса акатман щита уӆӆыӆӊан. Тащ шавиман Роман па Эдуард похӊаӆан рупитӆаӊан.</p><div class="content-new-image"><img alt="pic" src="https://s3.yamal.media/ym-sites-static/9b19a369-a47.webp" style="width:100%" height="1203" width="2140"/><div class="content-image_child">Оӆаӊ пуш Кев муват вантам пох Федя Тургачёв яӊхам юшаӆ эӆты еша потартас. Хор: Алексей Тургачёв мас</div></div><p>Няӆмет бригадайн иса Лонгортов айӆат ёх рупитӆат. Арсыр хоттэӆ мохет, ханты щиран, кутӆаӆан ищи па, яйт па апщет. Бригадира Вячеслав Антонович рупитаӆ.</p><p>Хар тахайн уӆты утӆам ун хоятӊан, куртан уӆман ищи па марэмаӆайӊан. Хун ай киӆэӆан Кева яӊхты вохсайӊан, мохты кашащсаӊан. Юш альты, еӆпи касӆыман яӊхам мувӆан вантты па няврэмӆана нётты.</p><p>Манам хатӆэӆ хошам, найӊ па ӆарпа ус. Щимащ хатаӆан мантыйн, юш кутаӆ па ван. Оӆаӊ пуш Кев муват вантам пох Федя Тургачёв яӊхам юшаӆ эӆты еша потартас:</p><p>«Ма ащем пиӆан оӆаӊ пуш там муват пеӆа мантсам. Товийн ӆутам яӆап хопа ӆэӆсув. Ащем рут муваӆ Саранпауль. Айшак уӆмеман, ащикем, антимем, ай имаем па антем-ащем пиӆан щи муватан уӆты Кев ӆоӊӆата яӊхсув. Щита Кев вурамат унты вахтовка машинайн тутӆысаюв. Муват вантман яӊхты хоятат кеша щутщаты харат ӆэщатман уӆӆат. Тата щимащ юшат па ӆэщатам тахайт антомат. Мелак таха хуват манты хоп ант тайсув ки, там муват унты ант мантсув ӆуӆан.</p><div class="content-new-image"><img alt="pic" src="https://s3.yamal.media/ym-sites-static/eddbb40a-6d4.webp" style="width:100%" height="1365" width="2428"/><div class="content-image_child">Манам хатӆэӆ хошам, найӊ па ӆарпа ус. Хор: Алексей Тургачёв мас</div></div><p>Лида имаем пиӆан юшан манты каш. Ӆув иса ястаӆ, маты таха, муй нэм тайӆ. Катра порайн хота яӊхсат па усат. Уйтантты тахайн шай йинщтэв кут вуӆы тащ этмас. Ӆуӊ порайӊ похла актам вуӆы тащ ма хоӆна ант вантысам. Мет оӆӊа еша паӆтамасам. Там йис кинайн щи альӆа: «Лакки ӆарпиӆаман, наӊ ещаӆтэн накӆат хоятат (паӆтап войт) шушӆат». Сэм еӆпеман ищи щимащ хор этас. Юхат онасат ванамасат па хоятат, няврэмат тур сыйт щащты питсат. Муӊ хоӆыена аматсув. Рут хоятӆув хоща ещаӆ шушмасув.</p><p>Хуӆам хатӆ сора хащас. Щита ма ащем па аспохӆам пиӆан тащ ӆаваӆты яӊхсув. Оӆаӊ пуш ӆоӆ нёхи па мохаӆ ӆэсам. Ащем ӆув сэмаӆан ант вантас ки, ант эвӆас ӆуӆан.</p><p>Ёхатмеван, ашкуӆа няврэмат хоӆна ант тувамат. Тохӆаӊ хоп китыӆыйм порайн, тащ хот ант уйтса. Щиты утаӆтаты верат туты куща ёх муӊ хорпев хоп митаӆысат па муӊ уӆман ашкуӆа няврэмат акатсайт па воша тусайт.</p><div class="content-new-image"><img alt="pic" src="https://s3.yamal.media/ym-sites-static/f8c017a5-6d7.webp" style="width:100%" height="1440" width="2560"/><div class="content-image_child">Хар тахайн уӆты утӆам ун хоятӊан, куртан уӆман ищи па марэмаӆайӊан. Хор: Алексей Тургачёв мас</div></div><p>Хун ащем пиӆан ёхӆы пеӆа актащты питсаман, Маша аспох аньхем мин пиӆэман воша йис. Лида имаем па Эрик акаем щита хащсаӊан. Ӆын тащ хот мохет пиӆан иуӆты Щаня ёхан пеӆа касаӆман манӆаӊан. Яӆпа таӆ порайн туп яха уйтантӆув. Муӊ па хопан ёхӆы пеӆа мантсув.</p><p>Яӊхам мувев шеӊк хорамаӊ. Манман иса хор вусам па нёхты хор ханшсам. Юхат ащеман вантты щира ӆэщатса па щёс шуп арат манты кина тыйс. Ёӆан аӊкем па апщиӆам муӊев ӆавӆасман усат».</p><p>Зоя Куртямова ханшам потар</p>

Кев вуншты пора ванамас

Вещката рупитты ураӊна соӆтанэв няӆ меваӆ посан мойӆаптаса. Хор: Афанасий Лонгортов архив эӆты

<div class="content-lead">Тампуш Россия хон мувев ӆоватан Ащет емаӊ хатӆ ветмет пуш постаты питӆа. Мет оӆаӊан 2021-мет таӆан постаса. Щи ураӊна Владимир Путин нэман партапса ханшӆтас. Партапса щиран, кашӊ таӆ ай тахайт потты тыӆащан хуӆмет ӆапат ох хатаӆан щи хатӆ постаты.</div><p>Там емаӊ хатӆ нэман атэӆ емаӊ хатӆа верса. Ванты, няврэмӆаӆ нох пайтты ураӊна ащи ищи ар юр понаӆ. Щишан мосаӆ ащет эӆты ищи потарты, ям ясаӊан ястаты. Там потар шупан Афанасий Тимофеевич Лонгортов эӆты ӆунтаты. Ӆув ин СВО ляль харан мувев аратыйӆ. Ёӆан па ӆув хоттэӆ хоятӆаӆан ӆаваӆӆа.</p><p>Афанасий Лонгортов 2-мет хатӆ 1991-мет таӆан вуӆэӊ хоятат хоща сэма питас. Ай пора эӆты ащеӆ-антеӆ пиӆан, вуӆы тащат воштыман, Кев пеӆа касӆыйс. Юхат Овкуртаӊ ашкуӆа-интернатан ус па утаӆтыйс. Ийимеӆ пиӆан ищи щита уйтантас. Ашкуӆа пора эӆты иса яха ям номасан уӆӆаӊан. Ин няӆ няврэм энмаӆӆаӊан: кат эвие па кат похие.</p><p>– Интернет па телевизор эӆты ма айкеӆат вантты питсам, хоты аӆ уӆты хоятат паратӆайт, хоты яма уӆты ант маӆайт. Ӆув ищи рущ мувата ӆуӊтасман уӆӆат, ӆувиӆаӆ ищи шавиты мосӆат. Щишан ма номас понтсам ляль хара мувев аратыты манты. Тампуш хуӆам таӆа йис, хоты ма сапёр щира гвардейской мотострелковой бригадайн рупитӆам, — Афанасий Тимофеевич ястас. — Ма щита ай тохӆаӊ хопата тохты нёӆат ханаӆӆам па еӆӆы китӆаӆӆам. Мет оӆӊа Авдеевской коксохимической завод па Красноармейск вош аратысув. Щита ма ӆэщатам тохты нёӆэм американской танк М1 Abrams щах нох ущитсаӆӆы.</p><p>Яма, вещката рупитты ураӊна соӆтанэв няӆ меваӆ посан мойӆаптаса: «За отвагу», «За храбрость» 2 степени, «За боевые отличия» па «Георгиевский крест» 4 степени. Ёӆан ийимеӆан па няврэмӆаӆан шеӊк ӆаваӆӆа. Ин ӆув щутщаты эсаӆса. Ащет емаӊ хатӆ кеша ёхи ёхтас.</p><p>Иван Сандрин ханшам потар</p>

Ащет емаӊ хатӆ

Питӆор пеӆа уӆты кимет тащн касӆыман яӊхсув.  Хор: Вера Лонгортова

<div class="content-lead">Вуща уӆаты! Хоттэӆэм пиӆн яӆап потрат ӆэщатсам. Нын ӆуӊтаӆан, па нын уӆапсайн уӆам верат эӆты нумаӆмияты. Номас ки тайӆаты, ищимащ потрат ханшаты.</div><p>Потрэм ханты мур каӆаӊна касӆыты юшат эват еӆӆы туӆэм. Ма нумты ӆоват усам. Хоттэӆэв пиӆн «Горковской совхоз», Питӆор пеӆа уӆты кимет тащн касӆыман яӊхсув.</p><p>Тащ кущая ащем Егор Лазаревич Наков понман ус. Тащ шавиты хоятат Порават ёх — иса ма акиӆам. Калин Андреевич Родямов, Павел Николаевич Родямов, щаӆта кат яй сакӊан — Дмитрий Григорьевич Ямру па Павел Григорьевич Ямру. Ӆын аӊкан — Посӆаӊ нэ ус.</p><p>Муӊ оӆӊеван там муват хуват Ляль кертам Порават ёх акиӆув касӆысат. Щишн ӆув нэмтам кевӆаӆ, мувӆаӆ, юшӆаӆ, ёханӆаӆ нэмат итта унты уӆӆат па номасн нумман тайӆаӆӆам.</p><p>Волитты Кеват ёхан лотн</p><p>Суса йиты кемн хотӆув Кев Хот Паты лотн ӆойсат. Наӊкаӊ лот. Кев хары ӆыпина ӆоӊтына наӊкат йи ара йиӆат. Ӆыпина Кат Кев Кутн нэмпи лотн Волиты Кеват ёхан оваӆ.</p><p>Ӆув сыӆаӆн арсыр хорпи тынаӊ нави волиты кеват таяӆ. Рущ щирн аятӆаят — горный хрусталь. Щишн ёхан кевӆаӆ волиты антасн ханты щирн щиты аяӆӆа.</p><p>Кат Кев Кутн овты Волиты Кеват ёхан пуӊаӆна ӆойтэвна Мохсарт ныӊ аӊкем шуӊат йи щимащ ар кев акатман таяс. Шай ан хошапан шависӆы па нэӊат ухаӆн ищи таяс.</p><p>Ай уӆмемн Леонид яйм пиӆн янман щи кеват тайсаӆаман. Шеӊк хорамат. Вантыӆӆаман. Тухаӆ отӆаӆ восты тарн хорпет, кимет отӆаӆ ӆор йиӊк хорпет, хоӆмет отӆаӆ тынаӊ кев хорпет. Няврэм сэман умащ ванттыя. Аӊкем ястыӆыяс, ащем актыӆыям хорам кеват уӆмеӆ.</p><p>Инта унты Волиты Кеват ёханан, щи пора актам кевӆам тайӆаӆӆам. Няврэмӆам эӆты этаӆтыӆӆам па монщ иты потарӆаӆӆам па алиӆыӆӆам.</p><p>«Эспилица»</p><p>Ма нумтэм порайн, Кев Хот Паты лотн, кев ӆырамты «эспилиция», рущ ясаӊан экспедиция, ӆояс. Уӆты павар хот тайсат. Кимет хотэӆ ӆыпи лёхытыты лота тайсэӆ. Вездеходат тайсат. Аса яха нияӆкем хоят усат. Иса ёх хоятат.</p><p>Муӊ хощаева ёхтыӆысат. Няр нёха вохыӆысат, щи сахат муӊев рущ ӆэтот тутлисат. Рущ ӆэтот Полярный Урал станция эӆты ӆутыӆысат. Щи порайн ӆув Кев шукатӆат. Кев мараӊ сый еӆта, хуваӆта щащӆ. Кев шукаттына — паӆтап. Еӆта щукатам кев хыш, туп шуваӆ ныӆа.</p><p>Ӆуӊ кутап емаӊ хатӆ порайн ӆув вездеходан муӊ хощаев ёхатсат. Емаӊ хатӆ кеша каӆаӊ хорсув. Няр нёха порыӆыман омасӆув. Ӆув пасан сыӆа йисат. Ӆэтты омассат. Нёха ӆэты оӆаӊан йинщты вур вохсат. Ащем вур хоща соӆ эсӆас, ямас руватсаӆӆы па вуры хыр эват нюмар анна вур амармас па ёхтам рущ ёша катӆаптасӆы. Иттам мояӊ ёх муӊ вантман имохты анӆаӆ ёхы вур пиӆна йинщсаӆӆаӆ. Юхат ястаӆат: «Ям ӆэтот уӆмаӆ, ин уятты питӆэв».</p><p>Наяӊ хатӆ сыс муӊ хощаев усат. Ай верн унтна яӊхтэӆн парта порах понна ар хорпи ун толах ёхтаптаӆат. Муӊ ястаӆув: «Щит каӆаӊ ӆэтот, муӊ щишн ант ӆэӆув». Рача вохсат па Римма опемн рачайн масаят. «Эспилица» хоятат этаӆтысат, хоты толах ӆэщатты. Хоты шарытты па ӆэтота тайты.</p><p>Потарсув, пеяӆтты ӆув хощаеӆ ёхтыӆыты. Порайн Афанасий Кельчин Ӆорвош эӆты ёхтас. Щи порайн ӆув нэ хоӆна ат таяс. Манэм па Игорь Родямов пиӆн «Эспилица» хотвоӆ ванттыя вохсаӆы па щита пеяӆтаты хотн пеяӆты. Мин ищи сыстам сохӆаман, венш муӊхты сох каӆтамн вусман.</p><p>Юш уятсэман. Этаӆтысэман. Яӊкем километра кем шушсув. Пеяӆты лотэӆна ямас лёхытысув, ӆаращн актам арсыр кеват вантысӆув па щитэвн ёхы ёхатсув.</p><p>Кев Хот Паты лотн</p><p>Кев вунстэв юпина мет еӆан, Кев патына, касӆыты лотэв — Кев Хот Паты лота аяӆӆа. Волиты Кеват ёхан пуӊаӆн. Шеӊк ун кеваӊ таха. Ӆуӊ порайн тэӆна ӆонщаӆ тата ар. Каӆаӊат эӆты ям, ёлах. Кев хораят хоща ӆонщаӆ ар. Каӆаӊат нёта кашман кева нох хуӊхӆат.</p><p>Йиӊк Волиты Кеват ёхан эӆты аӆӆув. Тут аӆӆыты варс ищи ар. Щи кеша ёхан путарн яӊхӆув. Аӊкем эӆты яйм, опем пиӆн варс акаттыя нётӆув. Ащем акиӆам пиӆн иса каӆаӊ шавиман яӊхӆат.</p><p>Няврэм пораем ус па шеӊк каш. Пиӆӆам: Римма опем, Леонид яйм, Юрий Родямов па Игорь Родямов, Софья (Соня) Ямру, Евгений (Женя) Ямру. Щи порайн, уртыӆам энамты хоятат. Каӆаӊ шавиты лот эват уртыӆам: Илья Максаров, Сергей Максаров, Вениамин Максаров. Аспохӆам: Виктор Возелов, Валерий Возелов. Ёхаттэӆн, муӊ пиӆэван футболан янтсув. Щи порайн тащан уӆты няврэмат иты тынщаӊ ёваӆмаман Игорь Родямов пиӆн янтӆаман. Ар няврэм яха актащман лапта нэмпи янтапсына янтӆув.</p><p>Леонид яйм еша уншак па шеӊк нэпек ӆуӊатты нумпи ус. Кевху акем ики — Калин Андреевич Родямов гармошкайн ӆув щираӆн нарасӆыты унтӆас. «Спидола» радио эӆты муй хуӆаӆ, юхат щи ар соват нох унӆтаӆӆы па гармошкайн нарасӆыӆӆы. Похаӆ — Юрий Родямов, ащеӆ эват вантман, ищи унтӆас гармошкайн янтты. Камн ар сов сыяӊа нарысӆыӆӆы.</p><p>Римма опем пиӆн оккайӆаман эӆты нёта ураӊан кев патына, найӊ хатаӆн нёта акатыя нох хуӊхыӆысман. Щиӆта оккайӆаман пиӆн янсаман. Ӆув оккайӆ нэм Нёвтыйи, манэм Няравой.</p><p>Ӆуӊан ар пелак камн ӆэӆув. Аӊкиӆув ӆуӊан верантты пораеӆ. Хой татӆасӆ, хой вай, тупар ёнтаӆ, хой ӆэщатам сохат эват сах, моӆщаӊ верӆ. Мохсарт нэ аӊкем хоты, ивевн ӆэптамтам кепӆ ёшн тайӆ. Аӆаӊсахат, аӆаӊ туп этӆ, ӆув вуш ёнтасты ӆуйӆ сый щащӆ.</p><p>Герман Наков ханшам потар</p>

Сус порайн касӆыты юшӆув

Ма ащем нэмаӆ Владислав Прокопьевич Максаров. Хор: Филипп Максаров

<div class="content-lead">Па яна щи, кашӊ хоят ащи тайӆ. Кашӊ няврэма ӆув ащеӆ мет ям. Там потар шупиенан Филипп Максаров ащеӆ эӆты каматса ясаӊ ханшас.</div><p>«Ма ащем нэмаӆ Владислав Прокопьевич Максаров. Ма кешаем, ӆув шеӊк юраӊ хоят. Ӆув рупатайӆ каӆаӊ тащ шавиман манаӆ. Щита щёмӆы хоят рупитты ант верытаӆ. Уӆтаӆ хуват ӆув «Горковской совхоз» хоща хуӆмет таща ӆуӊтасаӆ.</p><p>Унтан уӆты ар юр па муй вер верты, иса хошты мосаӆ. Ащем ошаӊ, унтан па Кев ӆыпийн яӊхты тахайӆаӆ иса торӆы уйтӆаӆӆы. Войӆаӆ яма тайӆаӆӆы, хун мосаӆ, яммаӆӆаӆы. Ӆэтот эпӆаӊа каварты ищи хощаӆ.</p><p>Ма ищи ӆув хорпия энамты ӆаӊхаӆайм. Ӆув манэм ай пора эӆты утаӆтасӆы, хоты тынщаӊ ёваӆматы, каӆаӊ катаӆты па ухӆа кирты мосаӆ. Щи тумпийн этаӆтас, хоты хот омасӆа. Мет ям, хун ӆув манэм войӆув яммаӆты утаӆтас. Щишан, ӆув онтасаӆан, ин ма каӆаӊата портун ӆонщты ищи хошӆам.</p><p>Пора хащас, ма уна энампсам. Ашкуӆа етшаптасам, еӆӆы утаӆтыты ун воша мантсам. Ащеман утаӆтыйм верат па ям ясӊат сам ӆыпийн, патан тайӆаӆӆам. Щи верат, уӆапса юш хуват, манэм нётӆат!»</p><p>Иван Сандрин ӆэщатсаӆӆы</p>

Ма ащем мет ям

Ханшты юхат ёша вусат па монщан хуӆантам войт хора ханшсат. Хор: Иван Сандрин

<div class="content-lead">Пулӊаватан уӆты ай няврэмат хатӆ сыс шавиты хотата, кашӊ емаӊ хатӆ кеша, мойӊ хоятат вохиӆыӆайт. Там щутщаты хатӆатан Ащет емаӊ хатӆ постаты питӆа. Щи хатӆ кеша ма «Росинка» нэмпи няврэмат хатӆ сыс шавиты хота яӊхсам.</div><p>Ванты, кашӊ ащи ӆув рупата, ӆув вер тайӆ. Хой сэвас тайман, хой няврэмат утаӆтыман, хой па хоятат яммаӆман леккара рупитаӆ. Ма па ханты ясӊаӊ айкеӆат ханшӆам па хорат верӆам. Ай няврэмат пиӆан рупитты нэ Надежда Константиновна Кондыгина (Макарова) щи ураӊна манэм вохсаӆӆы, ат ӆуӆан ма ӆувиӆаӆа каматса монщ монщсам па хорат ханшты утаӆтасӆам.</p><p>Глафира ай эвием «Хусыет» («Звёздочки») нэмпи группая яӊхаӆ. Ӆув пиӆэӆан яӊхты няврэмата кат ольпаӊ хораӊ нэпекӊан альсам па мойӆасам. «Мойпар па ай войие» па «Юраӊ шовар» эӆты монщӊан, ай похиет па эвиет, шеӊк олямман хуӆантсат. Щи юпийн няврэмат ханшты юхат ёша вусат па монщан хуӆантам войт хора ханшсат. Мет самаӊа мойпар нэпека оляптасат.</p><p>– Тамащ уйтантопса Ащет емаӊ хатӆ кеша муӊ веӆщи верыӆысув. Щи еӆпи, па емаӊ хатӆата, ащет ищи вохиӆысӆув. Туп ар пелак хоятат воӆаӊ няврэмӆаӆ хоща ёхтыӆыты ант кашащӆат, — Надежда Кондыгина ястас. — Хуӆантам няврэмӆам инщассаӆӆам па ӆув шеӊк самаӊа там уйтантопса эӆты потарты питсат. Верам хорӆаӆ иса яха акатсаӆӆам па вантапса ӆэщатсам. Тамащ уйтанопсайт шеӊк мосӆат. Ма нумастэман, тамиты, па няврэмат ащиӆаӆ ищи ёхтыӆыты па ощхуля ӆув рупатаеӆ эӆты потарты питӆат!</p><p>Иван Сандрин ханшам потар</p>

Монщ хорат ханшсат

Алексей Викторович Рохтымов, Ващъёханов эӆты уӆты тус ху. Хор: Аллина Тоярова

<div class="content-lead">Хащам ятан Алексей Викторович Рохтымов пиӆан уйтантысам. Ӆув Овкурт эӆты уӆ. Хащам таӆатан Ващъёханова касӆас, щита уӆмитас. Кат таӆ сая йис, хоты ӆув юх эӆты хуванат па па хорпи пормасат нёхарты питас. Верты пормасӆаӆ тыныӆӆы па ёӆан ёрая тайӆаӆӆы.</div><p>Щи тумпийн ӆув мохетан шеӊк яма уйтса, хоты ӆув ишнет па оват туса вераӆ. Щишн мосты порайн иса ӆувеӆа партыӆыса ов па ишни вер.</p><p>– Там еӆпийн наӊ ишнет па оват тыныты ураӊан туп верыӆысан?</p><p>– Ишнет, оват, пасанат, уӆасат — хой муй вохаӆ, иса щит верыӆысам. Ма профессияем щиран столяра уӆӆам. Щаӆта туняӆатан номас понтсам, муя па кашӊ хатӆ тайты пормас манэм ант верты? Щи номпсэм вуйман хуванат верты щи питсам. Хоятата умащ тайты ураӊан хорампӆаӆӆам, ханшийн щуратӆаӆӆам. Киш эӆты ай аныет ищи нёхарӆам.</p><p>– Пормасӆан верты юх ураӊан, унта муй порайн яӊхиӆыӆан?</p><p>– Кашӊ пуш унта шушиӆытэман моӆты ям юх муй киш кащаӆаӆам па, ёхи щи туӆэм. Ванты, кащаӆатэм порайн артаӆаӆэм, муй хорпи ям ан-сун ӆуӆан там от эӆты верты рахаӆ. Нэман ки яӊхты — щит ун кер тыӆащан. Щи порайн юхаӆ вератты ураӊан шеӊк ям.</p><p>– Муй юх эӆты хуванӆан верӆаӆӆан?</p><p>– Нохар юх, хоп юх, киш, сумат юх эӆты артан верыӆыӆам. Йи юх эӆты арсыр пормас верты рахаӆ, антом туп йи ан. Верты шеӊк ӆаварт антом. Мосаӆ туп туӊа-щира патэӆ унты сыстапты, хорапты. Щита аршак юр па кум понты мосаӆ.</p><p>Хуванӆам Вера Степановна Озелова ийимем хорапӆаӆӆы, ханшийн щуратӆаӆӆы па щарытӆаӆӆы. Щи веран ӆув шеӊк хорамаӊа вантасӆат. Хоятатан иса умащӆыман тайӆайт. Вера Степановна такӆы пормасӆам щиты хорамаӊа ант тыйсат ӆуӆан.</p><p>– Верты пормасэн иса етшатаӆ юпийн муйн нёсытӆэн, войн?</p><p>– Щи кеша уӆты войн нёсытӆэм, пуӆаӊ войн. Щи порайн ант сораӆ па пелки ант халыйӆ.</p><p>– Хуванӆан камн соӆкувайн тыныӆӆан?</p><p>– Щит мосаӆ вантты, муй хорпи. Ар пелак няӆ щёрасан тыныӆӆам. Щаӆта рахаӆ хуӆам ятпи хуванэм ӆутты. Щий рахаӆ имохты хуӆ, нёхи па нянь понты. Ӆув нийӆ щёрас тынпи. Кашӊ ан ӆув тын тайӆ. Артаӆаӆэм, муй арат юр па щём щий понман ус.</p><p>– Пормасӆан хун артан ӆутыӆыӆайт?</p><p>– Тынасты харат уӆӆытыйн, ёӆан верыӆыты пормасӆам иса патан вуйӆыӆӆам. Щи веран, ванты, аршак хоят уӆтыйн, сорашак ӆутӆа. Аратаӆ мира ям па манэма, ищи.</p><p>Тамащ хоятат онтасан муӊ ханты мир уӆапсаев ант хурӆаӆ па еӆӆы манаӆ. Алексей Викторович еӆӆы хатӆатан ищи хорамаӊ пормасат ат вераӆ, па ӆув верты пормасӆаӆ иса мув ӆоватан ат манӆат. Кашӊ хотан умащӆыман тэӆаӊ пасанатан ат тайӆайт.</p><p>Аллина Тоярова ханшам потар</p>

Йис верат еӆӆы туӆ

Туӊа-щира так кев юш ун машинаятан яма аймтса. Хор: Сергей Зубков

<div class="content-lead">Юш верты ёх хащам ӆапатан Пулӊават эӆты Надым вош унты кев юш верты етшасат. Аратаӆ 344 километра юш яӆпа этас. Щи ураӊна таӆаӊ ветхошъяӊ таӆ мосас.</div><p>Ямал мувев ӆоватаӆан ун. Вошӆаӆ па куртӆаӆ кутан ям кут яӊхты мосаӆ. Щишан мет оӆӊа, ищки хатӆат пиӆна, айнайн ӆонщаӊ таӆ юшат верты питсайт. Туп мелак хатӆат ёхатӆат, юшев нёхла йиӆ. Ванты, щи ураӊна Ямал мувев кущайт нумасты питсат, ищи па кев юш ӆэщатты мосаӆ.</p><p>Дмитрий Кобылкин губернатора уӆмаӆан, 2011-мет таӆан юш верты вер нёхӆас. Мет оӆӊа юшаӆ кев хишан шошапса. Щиты яртъяӊ таӆ сыс кев хиш эӆты хув юш этас. Мет ӆаварт ус ёханат па соймат шоппи нормат ӆэщатты. Аратаӆан 53 норам верса. Щаӆта па вуӆы тащатан юш шоппи вуншты ураӊна, 46 пайӆы таха ӆэщатса. 2020-мет таӆан ван хатӆап тыӆащан Дмитрий Артюхов там йис округ куся ху щи кев хиш юш пуншсаӆӆы. Щи пора эӆты таӆ-ӆуӊ сыс Надым юш хуват яӊхты рахты питас. Туп уншак машинайт яӊхты верытсат.</p><p>Щи юпийн юшев ямашак ӆэщатты питса. Туӊа-щира так кев юш ун машинаятан яма аймтса. Йи леп, Надым вош па Пулнават эӆты щи рупата манты питас. Щиты юшев етшаптаты ураӊна хут таӆ еша антомшак мосас. Манты юшев кутапан тут йиӊк маты «Лукойл» нэмпи ӆапка яӆпа этас. Щи тумпийн 13 ӆойӆыты лот ӆэщатса, хота щутщаты, нампар вощкаты па вер сахат яӊхты рахаӆ.</p><p>– Хув ӆавӆам юшев яммаӆса, щит шеӊк ям! — Надым вошан уӆты Раиса па Виктор Пырысевӊан ястасӊан. — Ванты, мин катӊан Ӆорвош район эӆты, щита ун эвев па хиӆыӆув уӆӆат. Пулӊаватан ищи рутат тайӆув. Щишан ван кутан мойӆыты яӊхӆув. Еӆпи 10-12 щёс манты мосас, ин па 3-4 щёс. Щикем ям па сора!</p><p>Иван Сандрин ханшам потар</p>

Хув ӆавӆам юш ӆэщатса

Муӊ округеван мет артан вуӆы тащат тайӆув. Хор: Надежда Моисеева

<div class="content-lead">Там ӆапатан, ихощъяӊмет хатаӆан, хон мувев ӆоватан сельской хозяйство хоща рупитты мохет емаӊ хатӆ постаты питӆув. Ямал мув суӊан, хоты аратаӆн Россия ӆоватан, вой-хуӆ па ӆэтот энмаӆты онтасан мет артан уӆапса яммаӆман уӆӆа.</div><p>Муӊ округеван мет артан вуӆы тащат тайӆув. Щи веран, тащӆув ант шимӆаматы, шоши мир хоятӆув йис уӆапса ант хурӆаты ураӊан нётопсайт постаман уӆӆат. Касӆыман яӊхты хоятат пиӆан уйтантопсайт верыӆыӆайт, инщасӆайт, муйн па нётты мосӆат. Щит шеӊк ям. Ванты ар пелак, шоши хоятӆув онтасан муӊ пасанӆуван нёхи па хуӆ кашӊ хатӆ уӆӆыйӆ. Там йис ӆэвпасӆув такӆы, хоты сахат ӆуӆан еӆӆы уӆмитсув. Няврэмӆув па хиӆыӆув там хатӆатан ищи пул порэмиӆат.</p><p>Там хатӆатан «Байдарацкой» совхоз 65-мет таӆаӆ постас. Щита рупитты хоятат вуӆы, мис па ӆов тащат энмаӆӆат. Хуӆ веӆапасӆаӆат, хоятат мис йиӊкан йинщӆтаӆат, нянь верӆат па мосты пормас тыныӆат. Округ ӆоватан ӆув атэӆ туп лэпкат энмаӆӆат. Хуӆӆаӆ па вой сохӆаӆ Тюменской область пеӆа китӆаӆӆаӆ. Николай Бабин шуӊат 1984-мет таӆан совхоз кущая питмаӆан, щита колбасат верты питсайт. Ин хонна ям ӆэвпас ӆутты ураӊан вошаӊ хоятат куртата яӊхӆат.</p><p>Ӆорвош районан уӆты «Горковской рыбозавод» мохет кашӊ таӆ планӆаӆ хуӆ веӆпасӆаман тэкаптаӆат. Ӆувиӆаӆ муӊ ант ёрэмиӆӆув па кашӊ пуш кум шиттэван щита рупитты хоятӆув эӆты ханшиӆыӆув. Ӆув онтасэӆан антом туп район, округ па аратаӆ Россия хон мув ӆоватан рыбоконсервной заводан верты хуӆаӊ ӆэвпасӆаӆ уйтман тайӆайт.</p><p>Щи тумпийн «Мужевской» совхоз тащатан яӊхты мохиӆув кашӊ таӆ артан вуӆы нёхи мийӆыӆат. Щи нёхиӆаӆ садиката, ашкуӆаята па леккар хотата тутӆыӆайт. Ӆув понты юрэӆан па щёмеӆан няврэмӆув энамӆат, мушаӊ хоятат тумтакӆат.</p><p>Там постаты емаӊ хатӆ кеша муӊ ищи мойӆапса ясаӊ китӆув. Тумтак ёш, тумтак кур, ойӊа-пищаӊа, йисаӊа-нуптаӊа!</p><p>Аллина Тоярова ханшам потар</p>

Куш ӆаварт, па мосмаӊ рупата туӆат

Подпись под фото: Владимир Петрович Анатолий ун похаӆ пиӆан. Хор: Альбина Тырлина

<div class="content-lead">Сусан ар пелак хуӆ веӆпасӆаты ёх ноптаӆман па сойпиман уӆӆат. Ӆорвош хуӆ веӆпасӆаты тахаята ӆуӊтасты хоятат там порайн хоӆна вар верӆат па питель понӆат. Там лопасан потрэм Владимир Петрович Сюртахов эӆты туӆэм.</div><p>Унтсыӆкуртан энмас па рупитас</p><p>Унтсыӆкуртан туп хуӆам хуӆ веӆпасӆаты хоят хасяс. Владимир Петрович няӆъяӊ моӆтас таӆ сита хуӆ веӆман ус. Ин пенсияйн уӆ, туп исипа хуӆ мосятты яӊхаӆ. Рупатайӆ эӆты ситы ястас: «Ин ма Ӆорвошан уӆӆам. Унтсыӆкуртан энампсам. Рутӆам хоӆ куртэван лоттаман уӆӆат. Ин апщеӊаӆам — Герман па Аркаша сита хасьсаӊан. Герман рыбака ӆуӊтасаӆ. Ас питаран хот тайӆам, аӊкем-асем сита усӊан, ма сита хуӆ веӆман уӆӆам. Семьяеван вет няврэм энмас. Яртъяӊ таӆ эӆты асема-аӊкема нётты питсам.</p><p>1977-1979-мет таӆӊанан Казахстан муван армияйн военной строителя усам, ударника ӆуӊтассам. «Ударник коммунистического труда» меваӆ посан юкантсайм.</p><p>Армия эӆты ёхатмем юпийн, мохты хуӆ веӆпасӆаты питсам, хутъяӊ таӆ унты рупитсам. Ин хоӆна хуӆ веӆты яӊхӆам, туп шимаӆшак. Хун верытӆам манӆам, тухаӆ порайн ант яӊхиӆыӆам. Таӆ-ӆуӊ иса хуӆ мосятман уӆӆам. Сусан ин ар пелак ноптаӆӆам. Таӆан, катра пора сирн, хуӆӆув мосятыӆыӆув. Каӆнаӊ лепан, пун, питель понӆув».</p><div class="content-new-image"><img alt="pic" src="https://storage.yandexcloud.net/ym-sites-static/0bb50811-b04.webp" style="width:100%" height="795" width="1413"/><div class="content-image_child">Унтсыӆкурт. Хор: Альбина Тырлина</div></div><p>Хоттэӆ хоятӆаӆ</p><p>Владимир Петрович ийимеӆ Ирина Ивановна Тарымова. Уӆман сыс иса яха хуӆ веӆпасӆысӊан. Пенсияя манман порайн, 2020-мет таӆатан «Ветеран ЯНАО» нэман юкантсайӊан. Ишакты нэпекатан кашӊ ӆуӊ мийӆысайӊан. 2020-мет таӆ унты кашӊ таӆ планэӆ тэкаптысэӆ.</p><p>Ханты хоятэв катра хуӆ веӆпасӆаты уӆапсайӆ нумаӆмийс: «Ийимем Катравош эӆты. Сита уйтантысман. Си порайн муӊ энамты, каркам няврэмат, мотура ӆэӆапсув па манапсув. Кашӊ ӆуӊ Ӆорвош курт эӆты хуӆ веӆпасӆаты ёх Наӊк ям посӆа па Халэв пухра ноптаӆты пана китыӆысаюв. Си порайн, туп ӆуӊтасты панан ноптаӆты верытсан, па тахаята ант эсӆысайн. Туп Унтсыӆкурт эӆты яӊкем хоп Катравош пеӆа яӊхас.</p><p>Хуӆ ар ус. Планӆув тэкаптысув. Йи пуш ёваӆмиман, хуӆамсот киӆа хуӆ хойӆыйс, хопен тэӆаӊ. Тыӆась сыс яӊ-ветхосьяӊ тонна пишьян мийӆысув. Хуӆӆув ураӊан сохаптаты охатан «Вихрь» мотур ӆутты рахас. Яма рупитӆан, тыӆась сыс кат, хуӆам сёрасан сохаптаӆайн. Си порайн сит шеӊк ям охат усат. Аршак хуӆ уӆман, яма рупитӆан, таӆ сыс сютсиӆан. Тохеӆ ант па вантӆан. Си порайн хоӆна няши (уды) поныӆысув.</p><p>Ийимем пиӆан хуӆам няврэм энмаӆсаман. Уншак отӆув пиӆаӊӊан. Евгений ай похев ин СВО хося лялясаӆ. Контракт ханшӆтас, няӆмет таӆа йис, хоты сита уӆ».</p><div class="content-new-image"><img alt="pic" src="https://storage.yandexcloud.net/ym-sites-static/5efc735a-d7b.webp" style="width:100%" height="1107" width="1969"/><div class="content-image_child">Сусан ин ар пелак ноптаӆӆам. Каӆнаӊ лепан, пун, питель понӆув Хор: Альбина Тырлина</div></div><p>Ӆуӊ сыс хуӆ веӆман уӆ</p><p>Владимир Петрович пиӆан потрэмиман, Анатолий ун похаӆ ликмас. Ӆув па ӆуӊ сыс хуӆ мосятман уӆ. Си вер эӆты ситы ястас: «Ма Ӆорвош ашкуӆайн катхосьяӊмет таӆ рупитӆам, инженера уӆӆам. Там йис модифицированной ашкуӆайт, антом катра сиран. Тут, хошам, вентиляция иса вантман тайты мосаӆ. Ӆуӊан договор хуват хуӆ веӆман уӆӆам.</p><p>Ма няврэм физкультурая утаӆтаты хоята Пулӊават вошан утаӆтысам. Сэмӆам вевтамат, леккаратан ант эсаӆсайм, сишан пуӊӆа мантсам. Социальной педагогика специальность хуват етшаптасам. Ма Татьяна опем пиӆан пиӆаӊӊан. Ӆув па ай няврэмат утаӆтыты нэӊа етшаптас. Куртаӊ ай няврэмат хатӆ сыс шавиты хотан воспитателя рупитаӆ.</p><p>Рупатая стаж ант тайман, нэмоӆты тахая ант вуйӆысайм. Канась пухаӆан музейн кат таӆкем экскурсовода рупитсам. Сяӆта ёхи йисам. Хуӆамӆэм таӆ хуӆ веӆман усам.</p><p>Ай уӆмем порайн хоӆна ун асем пиӆан хоӆап вантты яӊхсам. Там йисан хуӆ шимаӆ. Бензин норма хуват маӆа. Хуӆ веӆпасӆаты ёх яӊхты юшаӆ хув. Ӆуӊан рув порайн, хоӆап каматса пуш вантты мосаӆ. Сохаптаты охаӆ шимаӆ. Муй арат хасям яӊ таӆан хуӆаӆ маты тынаӆ ус, там хатаӆан си аратан иси хасяс».</p><p>Хуӆ веӆпасӆаты шеӊк ӆаварт. Энамты ёх симась ӆаварт рупатая ант кашасьӆат манты. Сохаптаты охаӆ па шимаӆ. Сикуш ун кусяйт веӆпасӆаты ёх пиӆан уйтантыӆат, потрэмиӆат. Кашӊ таӆ яӆап нётапсайт ӆэсятӆат, мосаӊ моӆты порайн рупитты ёх сохаптаты па хуӆӆаӆ маты охеӆ эӆатӆайт, уӆапсаеӆ кенашак па ямашак манты питаӆ.</p><div class="content-new-image"><img alt="pic" src="https://storage.yandexcloud.net/ym-sites-static/8a75a032-aac.webp" style="width:100%" height="1108" width="1969"/><div class="content-image_child">Хуӆ ар ус. Планӆув тэкаптысув. Хор: Альбина Тырлина</div></div><p>Альбина Тырлина ханшам потар</p>

Няӆъяӊ моӆтас таӆ хуӆ веӆпасӆыйӆ

Ӆув пеӆаеӆ вантман, Анжелика эвиеӆ ищи утаӆтыты нэӊа ашкуӆайн рупитты питас. Ин па Юлия хиӆыеӆ антимеӆ юш нюхаӆаӆ. Хор: Анжелика Смирнова архив эӆты

<div class="content-lead">Аратаӆ мир ӆоватан па Россия хон мувеван ай тахайт потты тыӆащ 5-мет хатаӆан няврэмат утаӆтаты хоятат емаӊ хатӆ постаӆат. Шоши хоятӆув эӆты ар ошаӊ утаӆтаты ёх рупитсат па рупитӆат. Щи кутан Вера Макаровна Нензелова. Ӆув ветъяӊ пеӆа вет таӆ няврэмат пиӆан самаӊа рупитас па ӆувиӆаӆ ошаӊа энмаӆтас.</div><p>Эвет па похат туӊа-щира энмаӆты ураӊан ар юр понты мосаӆ. Няврэмат утаӆтаты па уӆты хотатан, ашкуӆа-интернататан хоӆна аршак юр па так ям номас тайты. Кашӊ няврэм кеша ям ясаӊ уйтты па пойкман потарты. Няврэмат пиӆан щимащ хоятат уӆӆат па рупитӆат.</p><p>Ӆув кутэӆан Вера Макаровна Нензелова. Ветъяӊ пеӆа вет таӆ няврэмат пиӆан самаӊа рупитас. Вет таӆ хащаман ӆув щутщаты этас, рупата эӆты нох воӆыйс. Туняӆ, ван хатӆап тыӆащ 8-мет хатаӆн юбилей 70 таӆ постас.</p><div class="content-new-image"><img alt="pic" src="https://storage.yandexcloud.net/ym-sites-static/bd89e0fc-817.webp" style="width:100%" height="1440" width="2560"/><div class="content-image_child">Ӆув ветъяӊ пеӆа вет таӆ няврэмат пиӆан самаӊа рупитас па ӆувиӆаӆ ошаӊа энмаӆтас. Хор: Анжелика Смирнова архив эӆты</div></div><p>– Шеӊк самаӊ, ошаӊ, ям номпсаӊ нэӊие, — ӆув пиӆэӆн рупитам хоятат ястаӆат. — Рупитмаӆ хуват няврэматан яма нумӆа, ям ясӊат ӆув эӆтэӆ потарӆат. Кашӊ хоят пеӆа ӆув ям. Лик ант туӆ. Щимащ утаӆтаты нэӊат няврэматан самаӊа тайӆайт.</p><p>Макар Григорьевич па Агафья Архиповна Куртямовӊан хоттэӆ хоща, Ямкуртан 1955-мет таӆн Вера сэма питас. 1972-мет таӆн Овкуртаӊ ашкуӆа-интернатан нийӆ класс утаӆтыты етшаптас. Щи юпийн, мохты Пулӊаватан уӆты А.И. Зверев нэмпи педагогической училище хоща манас па 1976-мет таӆн утаӆтыты етшас.</p><p>– Утаӆтаты нэӊа йиты ма айтэӆан номас версам, — Вера Макаровна ястаӆ. — Няврэма уӆмем порайн ӆухасӆам пиӆан ёнтмеман, иса утаӆтаты нэӊа верасысам. Таӊха номпсэм так уӆмаӆ, щишан ӆувеӆ паты унты тусэм.</p><p>Рупата пеӆа утаӆтыты етшамаӆан Асов курта китам. Щита кат тыӆащ рупитмаӆ. Щаӆта еӆӆы Красноселькупской район Толька нэмпи вошан утаӆтаты па пионервожатой нэӊа рупитас. Щита уӆман па рупитман, самаӆан шеӊк ёхи, ӆув Ӆорвош районаӆа вуратас. Щишан, щи номасан, ӆув Ващъёханова китса. Щи куртан Владимир Николаевич Нензелов пиӆан уйтантыяс па поры версаӊан. Щита 1978-мет таӆ сус унты рупитсаӊан па Овкурта касаӆсаӊан. Щаня ёхан муван ӆын щутщаты мантан унты рупитсаӊан. Няӆ няврэм энмаӆсаӊан, ин па хиӆыӆаӆ энмаӆты нётаӆ.</p><p>Ӆув пеӆаеӆ вантман, Анжелика эвиеӆ ищи утаӆтыты нэӊа ашкуӆайн рупитты питас. Ин па Юлия хиӆыеӆ антимеӆ юш нюхаӆаӆ. Ӆув ищи Овкуртаӊ ашкуӆайн няврэмат пиӆан рупитаӆ. Щишан Вера Макаровна номпсаӆ ям! Ӆув пеӆаеӆ ястаӆув тумтака уӆты па шук ант вантты!</p><p>Иван Сандрин ханшам потар</p>

Няврэмат пеӆа самаӊ нэ

Уйтантопсая ёхтыӆыйм хоятат тынщаӊ сэвты утаӆтасайт.  Хор: Елена Федотова китас

<div class="content-lead">Хащам ӆуӊ эӆты, Югра муван «Вуӆы сох эӆты пормасат ёнтӆам» нэмпи ун проект верты питса. Там рупата Ёмвош округ куща митаӆыйм грант нётапса ох хуват ӆэщатса. Там ванан щита мет оӆаӊ верантты хар манас.</div><p>Оӆаӊ пуш верам уйтантопсая ёхтам хоятата потартса па альса, муй щиран вуӆы сох эӆты тынщаӊ тыйӆ. Хоты арсыр вуӆы сох пиӆан рупитты мосаӆ. Муй щиран ӆув ӆэпта верӆа. Хоты сахат щиӆта нюки тыйӆ. Хотащ ӆувеӆ кеӆ щира сэвты мосаӆ.</p><p>«Ма ай тэӆан вуӆы хотан энампсам. Вантсам, муй щиран ащем вуӆы лак кеӆат ӆэщатас, тынщаӊ сэвас. Юхат, уна ювмем порайн, Овс мув шимӆаӊ рут мир касапсаятан кассам. Касапса ураӊан тынщаӊ па касты ӆайм мосас. Кашӊ пох, ӆувеӆ мосты пормас ӆув верас. Муй ант тыйс, ащиӆув эӆты инщассув, кутӆуван вантман утаӆтысув.</p><p>Там проекта тынщаӊ сэвты няврэмат утаӆтаты вохмеман, мохты кашащсам. Ванта, йи пуш верантты утӆам щир па хун ёрэмаӆа. Шеӊк ям, хун энамты няврэмат тамащ рупата верты утаӆтыты вуратӆат. Шоши мувеван тамащ вер па мосмаӊа тайӆа», — Касам муван уӆты ху Юрий Тарлин ястас.</p><p>Тамащ уйтантопсайт вертыйн, айӆат ёх, ашкуӆайн утаӆтыты няврэмат, мойӊ хоятат ӆув сэмӆаӆан вантам, ӆув ёшӆаӆан сэвам рупатаеӆ нумман еӆӆы туӆэӆ. Хошты хоятан алям вер хув номпса хащаӆ.</p><p>Зоя Куртямова ханшам потар</p>

Лух Авт

Публикации автора