обновлено: 12:19, 22 октября 2026
Лух Авт
Ащи ‒ щит мосты хоят
Ащие, щикем щи ям ясаӊ, ӆатаӊ ясаӊ, нопсэн ям, хуӆмитэнан. Ащи, ащие — кашӊ пошхиеӆа, ай щущиеӆа, яна щи, вера мосты хоят, воӆаӊ ху.
Иса щи ӆув хоттэӆ мохиӆаӆа нётасман уӆ, аяӆ-унаӆ нупат ӆаваӆман тайӆаӆӆы. Ащи — щит мет нопсаӊ ху, вещкат ху, тарма уӆты па вераӆ уӆ. Ащиӆув уӆапса тумтак ат питаӆ, йисаӊа-нуптаӊа, щунь ат тайӆат, ой ат тайӆат. Ащиӆан шавиман таяӆан, мосты порайн нётамтаӆан, уӆтан хуват нумман таяӆан!
Еӆӆы, Асов куртаӊ нэ ханшам ӆуӊтар ӆуӊтаӆан. Любовь Яковлевна Шульгина ащеӆа юкантам ӆуӊтар ханшмаӆ «Ащем нумман тайӆэм». Кашӊ хоят нопсаӆа питаӆ, щит ма ащем эӆты ханшам ӆуӊтар. Щит, ванты, юраӊ ханты ху, кус тайты, щём тайты ханты ики, вой веӆты апраӊ ханты. Мохиӆаӆ пеӆа ям самаӊ хоят.
Федосья Лельхова ӆэщатсаӆӆы
