Лух Авт
Ай курт олапсы омащ
Муң Ямал мувувна сэңк ар ай курт, щимащ куртат оллат хата ӆэвасы нэңху ант ёхатӆ. Вуӆ васатна олты нэңхэт эӆты сэңк щёкат номасна вута хоты нэңхэт щита оллат.
Ӆорвош район куртатна нэңхэт щирӆаӆ-пищӆаӆ савиман тайӆаӆӆаӆ. Нэмоса хол ант тэрмаӆаман олапсы аӆтайи манаӆ. Нэңхэт хуӆ веӆӆат, веӆпасӆаӆат, ӆыс аматӆат па ивейна вантыӆӆаӆ. Хой мус па лав тайӆ, сусн пам ӆэщатӆат.
Ай куртна олман ропата хонты ант етсаӆ, йиңк тута, юх ӆэщатта, кор аӆлита масӆ. Нявремат па хонты харты верӆы ант амасӆат, рэп эваӆт хатмита масӆ, амыӆаӆ-ащиӆаӆ эӆты нятта. Ай куртатна энамты нявремат ропата ай тэӆна хасӆэӆ. Вуӆӆы ювман ропата щёкатты ант тайӆэӆ.
Вуӆ васатна олты нэңхэт эӆты, хой щутщата ки ӆытӆ, ай куртна яңхта масӆ, вантта па самна вута мала хорпи ям па рам курт олапсы.
Вера Климова хансам потар
Авторы
Лух Авт
Темы