Лух Авт
Ай Монщнэ ищи ликащийӆ
Саңхамкуртаң ай Монщнэңие ёӆан хун опсыӆыйӆ, кашң пуш моӆты юша актащийӆ. Ин па, вуӆы хот эӆты, имайӆ па акайӆ ӆапкая няня ёхатсаңан.
Моштантыты ай эвие, утӆам щираӆан, актащтыя щи сонтамас. Аӆ таңха, ащеӆ-аңкеӆ эӆты инщасыйс, поньхемийс. Па хоты верты, эсаӆса щи. Ин щи вер эӆты хотаң хоятӆаӆ нэмоӆты ант ястаӆат, инщасты хоятаӆ антом…
Имайӆ па акайӆ няврэм ант тайсаңан, щишан щи, таңха, там эвие ванан тайсаӆӆан. Тёписӆан, патан тутӆысӆан. Имаяӆан кашң етн сыс яӆап ернасан ёнтыӆыса, акаяӆан па моӆты ёнттотан нёхрыӆыса. Ӆынана каш, няврэма па умащ.
Ай Монщнэ тухаӆ порайн лик сохан ёхтыӆыса, хун акаяӆан «Вурты охпия» нэмтыса. Ӆув ванты хорасаӆ щимащ: вурты охпи, нови веншпи. Туп ай эвия щимащ нэмтантыты щир век сама ант рахас.
Йи етн имаяӆан па акаяӆан ӆэты вохӆа. Ӆув век ант манаӆ, щи ӆоватан ликащас па. Щаӆта акайӆ ястаӆ: «Эвие, ӆэты юва. Муй щита пукан ими охен шаңкиман омасӆан?» Щи ясңат таңха вур ӆэр унты, сам хар унты хойӆысат — уна ювам Монщнэңие ин там унты нумиӆыӆӆы.
Аллина Тоярова ханшам потар
Авторы
Лух Авт
Темы