Лух Авт
Ай няврэмат пиӆан рупитты кен
Хащам ятан Муши воша яңхмеман, «Оленёнок» нэмпи ай няврэмат хатӆ сыс шавиты хота ӆоңтысам. Щита ма Ольга Валерьевна Нензелова пиӆан уйтантысам.
Ӆув Топоӆ вошан Тюменской государственной университет филиалан утаӆтыйс. Етшамаӆ юпийн рут муваӆа Ӆорвош района уӆты па рупитты ёхтас.
«Ма Ващъёханован ашкуӆайн утаӆтысам, рутӆам иса щи куртан уӆӆат. Ун тахайн утаӆтыты етшамем юпийн номас понтсам рут мувема ёхӆы ёхатты. Таӆ шупа йис, хоты ма молодой специалист щиран рупитӆам. Оӆаңан ай няврэмат пиӆан ӆавартшак ус рупитты, ин па кен. Няврэмат эӆты ар верата утаӆтыты рахаӆ. Ӆув нопсаңат, вещкатат, моӆты верата иса сора утаӆтыӆат. Щи веран шеңк ям па туӆт», — Анна Валерьевна ястас.
Тамащ энамты няврэмат онтасан муң ай куртӆуван уӆапса ант хурӆаӆ. Щи хатӆ сыс шавиты хота шоши хоятӆув няврэмӆаӆ ӆаңхаман ватаӆтыӆӆаӆ. Ванты, щита ищи ӆув мираң хоятэӆ рупитаӆ.
Аллина Тоярова ханшам потар
Авторы
Лух Авт
Темы