Лух Авт
Ай няврэмиет вантапса альсат
«Буратино» ай няврэмат хатӆ сыс яӊхты хотан Лариса Петровна Жаринова (Куртямова) эвет-похат пиӆан ханты мир уӆапса альты «Северные россыпи» творческой группа актас. Щита няврэмат ханты ясаӊ утаӆтыӆат, якӆат, арыӆат па ёнтӆат.
Хащам ӆапатан, Мужи вош каш верты хотан ай няврэмиет «Муӊев хошмаӆты тут» вантапса альсат. Роман Прокопьевич Ругин ханшам «Тут» ӆуӊтар хуват ӆэщатсэӆ. Ёнтопсаеӆ яӊ минут манас. Пора щиран щах айшукие, туп каш алям няврэмата щит шеӊк ун рупата.
Хоятата альты еӆпийн, няврэмат хуӆам тыӆащ кем, кашӊ хатӆ потарты ясаӊӆаӆ утаӆтасӆаӆ. Хоя хоӆта пеӆа шушматы, карэматы па маты хоят юпийн потарты, иса нумаӆман тайты мосас. Потарты ясӊеӆ сама хойты ураӊан, тур сыйн альты утаӆтысат.
«Муӊев хошмаӆты тут» вантапса хоятата мет оӆаӊ пуш альса. Каш ӆэщатам ай эвиет па похиет шеӊк яма ёнтсат. Кашӊ няврэм ӆувеӆ партам хорасаӆ эваӆты щира этаӆтасӆы.
Лариса Петровна шеӊк ям, ун па мосты рупата вераӆ. Тамиты, ай тэӆан няврэмат ясаӊ па уӆапса утаӆтыты хущман, щаха уна йитэӆан, там верӆаӆ нумман тайты питӆэӆ.
Зоя Куртямова ханшам потар
Авторы
Лух Авт
Темы