Лух Авт
Ай няврэмиета ун хот верӆа
Ӆорвош районан, ай няврэмат хатӆ сыс яңхты йи хота аршак питаӆ. Катсот пеӆа хус няврэм кеша щимащ хот Ӆорвошан яӆпа омасӆа. Йи таӆ эӆты ӆапат таӆ унты ай эвиет-похиет тохи яңхты питӆат.
Хот омасты оӆаң рупатайт вертыя питсайт. Туняӆ йиңк па хошам маты турпайт ӆэщатсайт. Нови тут вана таӆты хошап верса.
Яӆап садик хараӆ кат щёрас квадратной метра ӆоват питаӆ. Нэпека понам проект хуват, арсыр ловат няврэмат кеша, хут атэӆ хот пелакан верлда. Кашң хот ӆыпеӆ ёнтты хар, каш верты па касты тахайт тайты питаӆ. Няврэмат каман шушиӆыты сохӆаӆ эңхты, тащ верам ӆэтот ортты па няврэмат хатӆ кутапан оӆӆыты хот ятат па верӆайт.
Шеңк ищки порайн хошам ёлах катаӆты ураңан сай тайты веранда верӆа. Ким яңхты порайн щита мет ай няврэмат ёнтты питӆат.
«Куртэван уӆты садикев катрая йис. Муң ай уӆмев порайн антиӆуван-ащиӆуван тохи тутӆысаюв. Ин ма щита рупитӆам. Туняӆ карты эӆты сора омасты няврэмат шавиты хотан версаюв. Хой кат-хуӆам няврэмаӆ садика яңхаӆ, рупатайң кат хот кутан яңхты. Няврэмат хатӆ сыс шавиты яӆап хот омасӆа ки шеңк ям. Яӆап хотат омасты порайн, куртэв мет хорамаңа йиӆ», — садикан рупитты нэ Марина Возелова ястас.
Зоя Куртямова ханшам потар
Авторы
Лух Авт
Темы