Лух Авт
Араң, монщаң, потраң ханты мирэв
Ай кер тыӆащ няӆмет па ветмет хатӆатан «Араң, монщаң, потраң ёх» яӆпа этам ӆуңатты нэпек Ӆорвош район куртатан этаӆтаса. Нэпек верам нэ Зинаида Викторовна Лонгортова уйтантопсая ёхтыӆыйм хоятат ещаӆ потар тус. Двухтомник ӆыпия понам потрат, монщат, арат, йис потрат, ӆуңтарат, потар шупиет иса ханты рут хоятӆуван ханшсайт па потартсайт.
Ӆорвош район куртатан мир ӆоват уятты ӆуңатты нэпекат, арат, монщат ханшты хоятат усат. Ӆув кутэӆан ¬– Роман Прокопьевич Ругин, Прокопий Ермолаевич Салтыков, Микуль Иванович Шульгин, Сергей Макарович Кондыгин, Роман Григорьевич Кельчин па па хоятат. Нэпека ӆоңаӆтам потрат ханшам хоятат рутӆаӆ уйтантопсая ёхтыӆысат, книгаятан мойӆаптасайт.
Яӆпа этам нэпекан анта туп мир хуват уятты ханты хоятӆув ханшапсайӆаӆ понман уӆӆат. Хуӆ-вой веӆпасӆаты, вуӆы шавиты, ай куртатан уӆты монщаң хоятат па айӆат ёх потарӆаӆ ищи тохи понтсайт. Там нэпек ӆуңатты порайн, энамты няврэмат кушкепа уятты питӆат, хой хоятат усат па ин там хатӆатан уӆӆат, ханшӆат, монщӆат па арыӆат.
Зинаида Викторовна шеңк ун рупата верас, щи ӆуңтапсайт похла акатсаӆӆы. Ханшам хоятӆаӆ уӆапсайӆаӆ па монщам потарӆаӆ ӆуңатты щира ӆэщатсаӆӆы. Нэмоӆты порайн ханты мирэв щимащ нэпек ант таиӆыйс. Тамиты похла акатман мохты ныӆа, муй арат нопсаңа, тусаңа ханшты па потарты хоят ханты мирэв тайӆ.
Там двухтомник ЯНАО редакционно-издательской комиссияйн вантса па эсаӆса. АНО «Ямал-Медиа» эсӆам нэпекат куртата туты па хоятата этаӆтаты нётас.
Зоя Куртямова ханшам потар
Авторы
Лух Авт
Темы