Лух Авт
Арктическая азбука хуват утаӆтыӆат
Утаӆтаты па няврэмат эӆты ӆаваӆты хоятат Таӆан, Ямал муван па Волноваха вошан оӆаӊмет класса манты эвет-похат яӆпа ӆэщатам Арктической азбукайн мойӆаӆайт. Овс мув азбука 2022-мет таӆан оӆаӊ пуш няврэматан ёша уса.
Щёхар тыӆащ унты катхощъяӊ щёрас книга округ хуват ашкуӆайн уӆты нэпек шавиты хотата, ӆуӊ сыс щутщаты лагерята лакки ортӆайт. Яха актам атэӆ нэпекат книга щира верты типография хота китсайт.
Пулӊават вошан хуӆмет ашкуӆайн утаӆтыты няврэмат, департамент образования хоща рупитты хоятат, ошаӊ няврэмат каншты па нётты региональной центр, катра кев хорат, пормасат шавиты служба ЯНАО па Овс мув утаӆтаты Научной центр эӆты хоятат там ай няврэмат утаӆтыты книга нётсат верты.
Веӆщи ашкуӆая ёхтам няврэмата буквайт утаӆтыты порайн, кен ураӊан арсыр ощхуль ёнтопсайт версайт. QR-код хуват мультик кина вантты верытӆат, вой хорат мосты тахаята ханаӆты, хорам щуратты юхан хор оляптаты па пасан суран омасты ёнтопсайн ёнтты.
Яӆап азбука ӆэщатам порайн мет воӆаӊ рупата веӆщи ашкуӆая манты няврэматан верса. Эвет-похат ханшам хорат утаӆтыты нэпека понтсайт.
Кат мойпар пошах Хара па Савэй Азбука ӆыпийн няврэмата нэпек ӆуӊатты нётты питӆатан. Ӆын шеӊк ар уйтӆатан па оӆаӊ классата ёхтам няврэмата питӆатан толмащты муй хорпи муӊ шоши мувев ун, хорамаӊ па тащаӊ, муй арат мувев арсыр мосты отат тайӆ, муй хорпи па муй щиран хоятат тата уӆӆат, муй рупитӆат па муй верты хошӆат. Муй щиран мосаӆ уӆты мувев шавиты, ӆэваса нампар ант ёваӆты, тут ант вущитты па ёханӆув нёхлаӊа ант верты, щит эӆты па потар туӆтан.
Зоя Куртямова ханшам потар
Авторы
Лух Авт
Темы