обновлено: 04:34, 11 августа 2023
Лух Авт
Ащем – вуӆы шавиты ху
Ма ащем тащ хотн рупитаӆ. Ӆув нэмаӆ Станислав Анатольевич. Ӆув ай тэӆн вуӆы шавиман рупитты питас. Ун ащем па ун антем ищи тащ хотн ай тэӆн яӊхсаӊан. Щишн ащема вуӆы шавиты рупата самаӆа хойман ус.
Кашӊ хатӆ ӆув рупатайӆ арсыра манаӆ. Ма ханшӆам ӆув йи хатӆаӆ эӆты. Тамхатӆ ӆув аӆаӊ нох киӆас. Антем пасан опсас, ащем мантаӆ еӆпийн каврам шай йинщас. Ащем вуӆэт каншты ӆэщатыяс. Ӆув вуӆэт каншты Хомаш ампаӆ пиӆан манаӆ, ӆув еӆпеӆн хухаӆаӆ.
Ащем сора унт пеӆа шушас. Ешауӆ кал хоща ампаӆ пиӆн ёхатсаӊан. Щаӆта ампаӆ хоратман унт пеӆа хухаӆмас. Унт харн вуӆэт шушиӆысат, ӆув ампаӆ пиӆн тащ яха акатсаӆӆан.
Щаӆта ащем Хомаш вана вохсаӆӆы, вощхемасӆы шаншаӆ эӆты па ӆын ёхӆы пеӆа шушмасӊан.
Ёӆан еша ащем щутщас па юха яӊхас. Етн ампаӆ ӆаптас — тамхатӆ ампаӆ яма рупитас, вуӆэт ёхӆы кератсаӆӆы.
Ма нумасӆам, ащем ям рупата тайӆ, ӆув рупатайӆ шеӊк мосаӆ.
Владислав Лонгортов ханшам потар
