Лух Авт
Ашкуӆая сый верты яӆап пормасат ӆутсайт
Ӆорвош районан Муши па Горки вошан катсот моӆтаскем няврэм утаӆтыты ашкуӆа тумпийн школа искусств хоща па утаӆтыӆат.
Щита няврэмат якты, оляпан хор нёсытты, хорам сый верты пормасатан ёнтты, юх па карты эӆты хорат, пуклайт эватты утаӆтаӆайт.
Яӆап утаӆтыты таӆ кеша округ ох нётам щиран ашкуӆая сый верты пормасат ӆутсайт. Хуӆам гитара, кат пианино, цифровой фортепиано па рояль.
«Катра тайм рояль хольмаң таӆа йис. Ин утаӆтыты няврэмат антиӆаӆ, ащиӆаӆ щи пормасан хорам сыйт верты утаӆтысат.
Сый верты яӆап хошапан мохты щи умащ ёнтты. Сыйӆ сыстама щащаӆ, нёрытты клавишайт кентан манӆат. Няврэмат па яӆап пормасан утаӆтыман мет самаңа ёнтӆат па ӆаңхаман утаӆтыӆат», — Ирина Александровна Караянова школа искусств куща нэ ястас.
Зоя Куртямова ханшам потар
Авторы
Лух Авт
Темы