Лух Авт
Ашкуӆаятан яма нумасты ёнтты харат верӆайт
Округ ашкуӆаятан утаӆтыты няврэмат ох веӆм яма нумасты ёнтты харатан ёнтты питсат. Ёнтты верэӆ «Муй? Хота? Хун?» ёнтты от хорпия верман уӆ.
Мет оӆңа Овкурт утаӆтыты няврэмат щи ёнтопса пуншсат. Муй щиран па хоты там ошаң ёнтопса касты хар манты питаӆ, няврэмат утаӆтыты нэ Екатерина Аркадьевна Рочева потар тус: «Муң Овкуртан утаӆтыты няврэмӆув акатсаӆӆув па хуӆам команда щира пирысӆув. Яха ёнтты хоят похӆ хоща хут хоят. Хольмаң пеӆа няӆ инщасапсая ёхӆы пеӆа ясаң маты мосаӆ. Нумасты йи минута туп маӆа.
Кашң ашкуӆайн няврэмат щимащ ёнтопсайн хуӆам пуш ёнтӆат. Яма ёнтты хут няврэм района китӆаӆӆув. Щита, па куртат эӆты ёхтам няврэмат пиӆан касты харан ёнтты питӆат. Мет яма ёнтам ошаң няврэмат пирыӆайт па округ ӆоват ёхтам няврэмат кутан еӆӆы касӆат», — ёнтопса туты нэ ястас.
Пулңават воша ёнтты хар туты Алексей Блинов ёхатаӆ. Ӆув Москва вошан «Муй? Хота? Хун?» ёнтопсайн ёнтман «Лучший капитан клуба» нэман понтса па хорам тынаң кев эӆты верам кат аңкаӆ войн мойӆаптаса.
Округ ӆоват нох питам хут хоят хон вошева манӆат. Щита Нескучной сад хоща, хота «Что? Где? Когда?» ёнтопса верты тахайн округ няврэмӆув ёнтты питӆат.
Ёнтты няврэмат яма нумасаты па инщасапсаята торӆы ясаң мияты.
Зоя Куртямова ханшам потар
Авторы
Лух Авт
Темы