Лух Авт
Ашкуӆайн утаӆтыты няврэмат сертификатан масайт
Округев хуват няӆсот пеӆа няӆъяӊ няврэм Хон мув уӆты вузатан утаӆтыты ураӊ ан сертификат шитты верэӆ уӆ. Пулӊ авт вош ашкуӆаятан яӊ мет, ихосьяӊ мет классатан яма утаӆтыты па олимпиадаятан касты эвет, похат образовательной сертификататан юкантсайт.
«Гению Ямала» утаӆтыты сертификат — сит округеван ӆэсятам проект, 2020-мет таӆ эӆты округ кусяев онтасан этас. Яма утаӆтыты, экзаменатан па олимпиадаятан мет ар балл шитты няврэмата маты нётопса.
Сохаптаты охаӆ нийӆъяӊ йи сёрс соӆкувая хойӆ. Сертификатат каматса предмет хуват ортсайт: обществознание — няӆъяӊ, физика — хутъяӊ пеӆа яртъяӊ, математика — нийӆъяӊ, информатика — нийӆъяӊ пеӆа няӆ, химия — ветъяӊ пеӆа ит, биология — ветъяӊ пеӆа хут.
Кашӊ няврэм олимпиадайн касты порайн, маты предметаӆ эӆты мет ар уйтас, яма рупатайӆаӆ верас, ар номас па юр понас. Яма утаӆтыты верэӆ, аӊ киӆаӆ-асиӆаӆ, утаӆтаты хоятӆаӆ нётопсайт па еӆӆы утаӆтыты ӆаӊ хаты онтасан, иса яма тыйӆ.
Альбина Тырлина ханшам потар
Авторы
Лух Авт
Темы