Лух Авт
Блог верта онттыда рахал
Ямал мув нэӊхэт Хон мув Президент платформа «Россия — страна возможностей» «ТопБЛОГ» Всероссийской проект хоща онттыда вахлайт, щит онлайн-курсат олта питӆат.
Хой телефон хуват олапсэӆ па маса шимӆаӊ мир щират-пищат эттыман блог верта онӆата ӆытӆ, аса щита вантта рахал. Нэӊхэтна ощты блогерат па па ар пелак мурна хасты ях, лаваӆӆэӆ, хоты блог тута масӆ па мала пущщи.
Щи курсат «ТопБЛОГ» сайт проект хоща вантта рахлат. Онттыда ӆытты нэӊху камантсы направление пирыта веритӆ.
«Йиӆап технологияйт па искусственной интеллект онтасна муӊ олапсэв йи тахайна ант лайӆ. Там йиӆап олапсына блогосфера такӆы энамты нэӊхэт мули ант веритӆат олта. Там «ТопБЛОГ» проект вет таӆ сыс хон мув нэӊхэт эӆты нятӆ блог верта», — «Хон мув — страна возможностей» коща, «Сенеж» Мастерской управление ректор Андрей Бетин лавас.
Там проект сэӊк ямас ӆувеӆ эттасӆы, 2024-мет таӆ сыс 31,5 щёрс нэӊху Хон мув регионат эваӆт онттысат, ӆув эваӆтыӆаӆ 160 нэӊху Ямал эваӆт.
Авторы
Лух Авт
Темы