Лух Авт
Диктант ханшты тахайн уйтантысат
Хасям ӆапатан ВДНХ хося «Россия» вантопса харан V Всероссийский этнодиктант «Россия — дом народов» манас. Курк тыӆась 12-22-мет хатӆатан кашң регионан симась ханшапсайт верыӆысайт.
Курк тыӆась 22-мет хатаӆан округ хоятат «Язык наш веками отточен» диктант ханшсат. Вошаң па куртаң хоятат си кеша ӆэсятам харатан актасисат.
Пулңават вош хоятат рут мир нэпек ӆуңатты хотан ханты, ур, ёрн, саран ясаңан потарӆаӆ ханшсат. Ханты хоятата Аллина Кирилловна Яковлева «Монщнэңие» потар ӆэсятас. Кашң хоят артаӆаты верытас, хоты ӆув рут ясңаӆ уятаӆ па ханшты хошаӆ. Ёхтам хоят атэӆ ханшты нэпекан мийӆыса, сита пос понман ус. Си посаӆ хуват вантты верытаӆ, хоты потраӆ ханшсаӆӆы.
Си уйтантопса «Арктик мир ёх» проект хуват верман ус па Мир хуват яңмет таӆа шоши мир ёх ясңата постаса.
Альбина Тырлина ханшам потар
Авторы
Лух Авт
Темы