Лух Авт
Тус ёсаң нэңхет касапса етсас
Тампус Гран-при майӆапсы Владимир Похилюк Магадан эваӆт ясна пайтас, ӆув «Прощание славянки» лов эваӆт эвтас, Ямал мув тус ясаң нэңхэт па призёра этсат.
Лов эваӆт верты ропатайт хоща алаң таха Кирилл Никифоров Ноябрьск вас эваӆт вус, холметты па Нина Каргачева Толька эваӆт этас. Мет ямас па, лов эваӆт эватӆаңан Дмитрий Скворцов Пулңават эваӆт, ӆув кимет таха вус па Алексей Зайкин Новый Уренгой эваӆт — холмет таха.
«Манэмна сэңк ям Ямал мувна ёхатмем. Там касты хар самамна сэңк ванна хайс. Тата верам ропатайт хоща Овс мув ӆыӆ сув щатӆ, касаң мастер тата сэңк вуӆ ёр тайӆ, ӆув ропатайӆаӆ пеӆа вантман мохты ныӆа хой-хой мала верас», — жюри хоща олам Хао Шоумин лавас.
Лов эваӆт эватты «Душа Севера» нэмпи касты харна нох питам тус ясаң нэңхэт ох майӆапсына масайт, щит 100, 90 па 80 щёрас соӆкува, Гран-при па катсат щёрас.
Вера Лонгортова хансам потар
Авторы
Лух Авт
Темы