Лух Авт
«Душа Севера» тус ясаӊ нэӊхэт Пулӊаватна акатӆайт
Ямал мувна ӆов эваӆт эватты «Душа Севера» Международной пормас эттыды-пиӆтащиты хар заявочной кампания пинтщас. Там пиӆтащиты хар Сергей Лугинин онтасна хонты кепа этас, щитна 2026-мет таӆ ӆувеӆ постаса.
«Тус ясаӊ нэӊхэт ораӊна там сэӊк воӆаӊ хар, пормасӆаӆ эттаӆат. Верта хасты нэӊхэт анта топ ясна ямас ропытта масӆат, ӆув ищаӆтыӆаӆ верта понты ӆов хоща алаӊ эваӆт номасна мули хор хансӆат, щи юпина топ щи хор нэпек эӆты туӆэӆ. Щи порайна топ ӆув ищаӆтыӆаӆ камн сот верта хасты ув пунсантаӆ», — Ямал мув губернатор Окружной Дом ремёсел коща ныӊ Вероника Могрицкая ясӊат щиты хансас.
Ун кер тыӆащ 24-мет хатӆ маса культураямала.рф портал хоща заявка китта рахал. Щита пиӆтащита веритӆат народной художественной промысел мастерат, творческой коллективат, атэӆ ропытты нэӊхэт, па энамты нэӊхэт 12-мет таӆ эваӆт 15-мет таӆ маса — хой Ямал мув тус ясаӊ нэӊхэт хоща онттыӆат. Щита китты ропатайт кураӊ вой, каӆаӊ, пеӊкаӊ вой па па войт аӊат эваӆт верман олта масӆат.
«Душа Севера» финал щёхар тыӆащ 9-мет хатӆ эваӆт 13-мет хатӆ маса Пулӊаватна манта питаӆ. Пиӆтащита ёхтам нэӊхэт холам хатӆ сыс ропатайӆаӆ етсаптата масӆаӆӆаӆ.
Авторы
Лух Авт
Темы