Лух Авт
Эльбрусан хантыӆув ищи усат
Муӊ кашӊ порайн моӆты воӆаӊ вер верам хантыӆув эӆты ханшиӆыӆув. Ванты, щи порайн па мохет ищи ӆаӊхаты питӆат ӆув юрэӆ па щёмеӆ альты. Хащам ӆапатан айкеӆ ёхтас, Эдуард Тэвлин Эльбрус нэмпи воӆаӊ рэпа хуӊхиӆыйс.
Эдуард Тэвлин Русскинской курт эӆты. Сургутской районаӆан тащ хотан уӆ, вуӆы тащ энмаӆтаӆ. Ӆув эӆтайӆ этноблогер Владимир Айваседа ханшиӆыйс. «Эльбруса манты еӆпийн мин Эдуард пиӆан потрэмисман. Ӆув таӆ сыс щи яӊхапсаяӆа такан ӆэщатыйс. Хонна нумасас, антом туп нох хуӊхты вераӆ эӆты, щи тумпийн па муйн. Номас понас ханты сохан хуӊхты. Аратаӆ муваӊ хоятат ат уйтсат, хантыӆув ищи щита усат», — Владимир ястас.
Эльбруса туп юраӊ, щёмаӊ па вурайӊ хоятат хуӊхты верытӆат. Мосаӆ кашӊ хатӆ хухатӆыты, ништантыты. Щи порайн ӆовен-сомен такаптаӆ, ӆаварт порайн нэмоӆты щуӊкен ант сохнамтаӆ.
Нын ки ищимащ хоятат эӆты моӆты айкеӆ тайӆаты, муӊев ханшаты. Ванты куртатан, вошатан муӊ мирэв кутан тэӆые хоят, хой ӆув ёра верэӆ па ӆаӊхапсаеӆ эӆты па хоятата ӆуӊатты умащ питаӆ.
Аллина Тоярова ханшам потар
Авторы
Лух Авт
Темы