Лух Авт
Емаӊ хатӆ постыӆысув, яха уйтантысув
Хасям ӆапатан ханты хоятат Ӆуӊ кутоп хатӆ постасат. Катра порайн, си емаӊ хатӆ, мет воӆаӊ хатӆа ӆуӊтасас. Ай куртатан уӆты хоятат си хатаӆан рутӆаӆ па ӆухасӆаӆ пиӆан яха уйтантысат, порыӆыты яӊхсат: пасан опсыӆысат, ох понман, щашкан ӆэрые юха ярсат.
Каш верты па нэпек ӆуӊатты хотатан рупитты нэӊат: Ксения Егоровна Сюртахова, Фаина Анатольевна Рохтымова па Светлана Аркадьевна Литва ун хоятата па няврэмата касапсайт ӆэсятсат. Ёхтам хоятат пасан суран потрэмисат, хорам хорат верыӆысат, арысат па яксат. Пораватан Юрий Калинович Родямов гармошкайн ёнтас. Ийимеӆ Валентина Семёновна па нэӊиет пиӆан ханты арат арэмисат.
Там лопасан Пораватан па Ӆоркуртан верам хорат понӆаӆӆув. Вантаты па умасьӆыяты. Ханты емаӊ хатӆат манты порайн, ван рут хоятӆын пиӆан уйтантыяты па каш верты харата ёхтыӆыяты.
Альбина Тырлина ханшам потар
Авторы
Лух Авт
Темы