Лух Авт
Энамты ёх форума пиӆтащияты
Ас нопатты тыӆащ 18-21-мет хатӆатан Новый Уренгой вошан энамты ёх «Российский Север» нэмпи форум манты питаӆ. Щий сот хоят ёхатты вераӆ уӆ. Овс мув, Щёпар па Хаӆэват Пелак энамты няврэмат яха уйтантыӆат.
Хой Движение Первых хоща ӆоӊман уӆ, щи тумпийн этноблогерат, па щитат, хойтат аратаӆ уӆапса щиран шеӊк каркамат па энамты няврэмат, уншак хоятат па ай няврэмат пиӆан рупатаеӆ туӆэӆ.
Мосты нэпекат мосӆат Росмолодёжь.Форумы платформа мохты китты. Щёхар тыӆащ 18-мет хатӆ унты нэпекат ӆаваӆӆайт. Щий 14-35 таӆа ювам энамты няврэмат пиӆтащты верытӆат.
«Ямал муван ветмет пуш там форума няврэмат акатӆаӆӆув. Шеӊк каркам па вещкат Овс мув, Щёпар па Хаӆэват Пелак энамты няврэмат ияха понасман рупитты питӆат. Тата ӆув кутӆаӆан потрэмиӆат, верты верӆаӆ па хоятата альӆат. Тамащ уйтантопсайт мантыйн, кашӊ мир ӆув ямаӆ па туӊа-щира манты вераӆ еӆӆы туӆӆы, мира этаӆтаӆӆы. Щи онтасан шимӆаӊ мир хоятат уӆапса ант хурӆаӆ. Муӊ энамты няврэмат, экспертат там верты емаӊ хатӆэва вохӆаӆӆув», — Ямал губернатор Дмитрий Артюхов ястас.
Уйтантыты тумпийн рахаӆ йи миллион соӆкува кеман шитты. Ай тахайт потты тыӆащ 1-мет хатӆ унты myrosmoӆ.ru сайт мохты заявка китты мосаӆ. Аратаӆан там уйтантопса эӆты dkmns.yanao.ru/presscente... сайтан ӆуӊтаты.
Аллина Тоярова ханшам потар
Авторы
Лух Авт
Темы