Лух Авт
Энамты няврэмат Овс мув касапсаян кассат
Хащам ӆапатн Ямал мувев ӆоват эӆты няврэмат ӆув кутӆаӆн касты ияха ёхтыӆысат. Овс мув касапсаян ӆув таӆаӊ ӆапат хатӆ юращсат. Касапса ус курк тыӆащ 23 хатӆ эӆты па ай кер тыӆащ 1 хатӆ унты.
Пулӊаватна, эвиет па похиет кат 11-13 па 14-15 таӆ ӆоват группаятан юращсат. Ӆув Ӆорвош, Надымской, Тазовской, Пуровской, Ямальской, Красноселькупской, Кев сыӆ районат па Пулӊавт эӆты ияха актащисат. Аратэӆна 72 хоят вус. Ӆув кутӆаӆн вет касапсаятн юращсат: хуӆам пуш хой хувашак навармаӆ, ухаӆ шоппи хой аршак навармаӆ, юх пиӆна хухаӆты, ӆайм хой хувашак вощкияӆ па хой аршак тынщаӊ ёваӆмаӆ.
- Касты няврэмат кутан хантэт ищи вусат. Ӆорвош район эӆты ветхосьяӊ няврэм ёхтыӆымаӆ, — главный судья, секретарь соревнований Денис Сергеевич Лонгортов ястас. — Эвет кутн мет харщи Анастасия Рочева уӆмаӆ. Ӆув, аратӆ, касапасаят щирн Ямал мувев ӆоватан 3-мет места шитмаӆ.
Щаӆта атэӆ касапсаятан кимет няврэмат ищи нох питсат:
- Анастасия Кельчина — 1 места — (ухаӆ шоппи наварман);
- Ксения Рочева — 1 места — (тынщаӊ ёваӆман);
- Мария Вальгамова — 2 места — (ӆайм вощкиман па хуӆам пуш навармиман);
- Тимофей Лонгортов — 2 места — (ӆайм вощкиман);
- Дмитрий Яркин — 3 места — (ӆайм вощкиман);
Щи тумпина Ямал ӆоватна кат яӆап рекорд этас:
- Константин Адер Самбург вош эӆты 10 метра моӆтаса, хуӆам пуш хой хувашак навармиман, питас;
- Артём Талеев Кев сыӆ район Белоярск вош эӆты уӆ. Ӆув 710 пуш ухаӆ шоппи навармас.
Иван Сандрин ханшам потар
Авторы
Лух Авт
Темы