Лух Авт
Ханты ясңаң умащ ёнттотат
Сам аматаӆ, хун ханты мир уӆапса шавиӆа па еӆӆы туӆа. Там мосванан Римма Михайловна Потпот пиӆан уйтантысман. Ӆув юраӆ па щёмаӆ понмаӆ ураңан, ай няврэмат кеша ханты араң шоврыет верман усат.
Хоты Римма Михайловна ястаӆ, хащам ятан ханты мир, няврэмӆаӆ ураңан, рут ясңаң ёнттотат тайты ӆаңхаӆа. «Ма эвем няврэмат садика тутӆыты аңкет пиӆан потарты питас, ям ӆуӆн ус, хун муң няврэмӆув рут ясңаң ёнттотат тайты ки питсат. Аңкет-ащет хоӆ ястасат, ӆув няврэмӆаӆа тамащ ёнттотат шеңк мосӆат», — Римма Потпот ястас.
Екатерина Игоревна Ерныхова эвеӆ «Росмолодёжь» грант вуймаӆ онтасан щимащ ёнттотат Даша эвеӆ ханты ясңа утаӆтаты ураңан мосты проект ӆэщатас.
«Ма па фольклорной центран рупиттэм ураңан, щишан уйтӆэм, хой ай няврэмат кеша арыйӆ. Обско-угорской институт депозитарий эӆты каматса ар пирысув. Щи арат сыйң модулята ханштыя мосас. Каматса ар йи модуля ханшман уса.
Щи тумпийн араң-сыйң шупиет моӆты ёнттота понты мосӆат. Шоврыет ёнтты парсув. Верэв щи юпийн иса таӆаңа йис. Ин ма Дарья хиӆнэңем там ёнттотӆаӆ шеңк умащӆыман тайӆаӆӆы. Сыйӆ пуншаӆ па якты питаӆ», — Римма Михайловна ястас.
Арпелак хоятат ястаӆат, хун манэм няврэмӆам па хиӆыӆам пиӆан ханты ясаңан потарты? Римма Михайловна ясаң эӆты, щи веран атэӆ кум шитты ант мосаӆ. Туп кашң пуш ханты ясаңан потарты. Щи порайн няврэм хуӆаӆ па утаӆтыйӆ. Куш тамащ умащ сыйң ёнттотат вуя. Лув онтасэӆан ханты ар хуӆӆат, арэмиӆат. Ӆаңхаман ясңеӆ утаӆтаты питӆэӆ.
Аллина Тоярова ханшам потар
Авторы
Лух Авт
Темы