Лух Авт
Ханты мир уӆапса альӆат
Кашӊ вошан, кашӊ ай куртан муӊ мохиӆув энамты няврэмата ханты мир уӆапса альӆат. Натаӊ вошан Галина Граблевская (Тогачева) щи веран шеӊк такан рупитаӆ.
Ӆув антом туп няврэмат яха актыӆыӆӆы, щи тумпийн ун хоятат ураӊан мастер-классат ищи верыӆыйӆ. Алиӆыйӆ, хоты сахат ханты мир пормасат верӆайт, ханшет эватӆайт, сак эӆты турамсот пормасат каратӆайт.
«Ма там верэм шеӊк мосмаӊа тайӆэм. Ун хоятата па мет шопаӊ няврэмата умащ вантты, верты па уятты, хоты сахат муӊ мирэв хоща пормасат верыӆыӆайт. Муӊ верантты ай тэӆан утаӆтасаюв. Аӊкеман па щащеман ёнтасты утаӆтасайм. Аӊкаӊкем хоща яӊхмеман ищи иса щукщатман омассам. Муӊева щи порайн каш ус, там йис няврэмата ищи каш. Натаӊ вошан архорпи мир уӆ, хоӆ ӆаӊхаман ма туты мастер-классӆама яӊхӆат. Тамиты па мирата потарман, муӊ ханты уӆапсаев эӆты аршак уятты питӆат», — Галина Михайловна ястас.
Муй хорпи итамащ верат нын куртӆанан ки тыйиӆыӆат, муӊева айкеӆ вераты, щит эӆты муӊ потар па понӆув.
Аллина Тоярова ханшам потар
Авторы
Лух Авт
Темы