Лух Авт
«Хатӆые» па «Витсам» няврэмат ӆуңатты журналңан этӆаңан
Лыпат хойты тыӆащ 29-мет хатаӆан мирхот ус. Щита няврэмат ураңан ханты ясаңан «Хатӆые» па охаль ясаңан «Витсам» (ханты щирн «Йиңк сэм») нэмпи журналңан этты ураңан нётопса ох маты вер эӆты потарсат.
Мирхот Югра мув внутренний политика верат туты департамент куща ху Александр Скурихин потар тус.
Мет сыры «Ӆуима сэрипос» газетайн рупитты нэ Тамара Мерова па ма, «Ханты ясаң» газетайн рупитты нэ Людмила Шульгина, там журналңан эӆты потарсаман, муй ураңан щи кат няврэмаң журналңан этты щира нётопса ох маты мосаӆ. Тамара Мерова ястас: «Витсам» журнал охаль няврэмат шеңк мосман тайӆэӆ, щишн щи нэпек эсаӆты ураңан нётопса ох маты мосаӆ. Ма ищи ястасам, «Хатӆые» журналн иса ай потрат няврэмаң ясңатан ханшман уӆӆат. Эвет-похат щитат ӆуңаттэӆ юпийн ханнэху ӆовӆаӆ-сомӆаӆ, войт нэмат, ан-сунат па па ясңат утаӆтаӆат, ай ӆуңтарат ӆуңатӆат, номсаң касапсаятан касӆат, моӆты ӆэтотат верты утаӆтыӆат. Щи тумпийн Ёмвошаң шоши мир йис уӆапса еӆӆы туты хотат, шоши мир отаң ханнэхоятат па па верат эӆты оша верӆат.
Шоши мир Ассамблея куща ӆаңкар нэ Галина Краснухина ястас, Еремей Айпин шеңк ӆаңхаӆ, ӆуӆн сурханӆ па вах ханты ясаңңанан ищи ищимащ журналңан ӆэщатты мосаӆ.
«Югра» нэмпи телерадиокомпания куща ӆаңкар ху Михаил Епихин ястас: «Там кат журналңан Интернет хоща сайтңан па соцсетят хоща сообществайңан тайӆаңан, туп щита шимаӆ вантты па ӆуңатты хоят. Щишн там няврэмаң журналңан кущайңана мосаӆ иса муй верты, ӆуӆн аршак хоят щий ат ханшаньщсат».
Щишн ешауӆ таӆ сохантты унты «Хатӆые» па «Витсам» журналңан няӆ номер этӆат.
Людмила Шульгина ханшам потар
Авторы
Лух Авт
Темы