Лух Авт
Хон мув куся грант хося пиӆтасияты
Округ НКО хося ӆоӊам хоятат хон мув куся Фонд грант кимет касапсая касты вохсайт. Хой округев эӆты си вера пиӆтасьты утсийӆ, утаӆтапсайт манты па заявкайт ӆэщатты верытӆат. Мосты нэпекӆаӆ ай кер тыӆась хутхосьяӊмет хатӆ унты китты мосӆат.
Си касапсая хон мув кашӊ регион НКО хося ӆоӊам хоятат пиӆтасьты верытӆат. Ихосьяӊ направление хуват проектат китты рахаӆ: яммаӆтыты верат, социальной обслуживание па хоятат нётопса, исторической память шавиты верат па патриотической воспитание, гражданской общество институтат еӆӆы туты сират па энамты ёх нётопса па па отат. Сит эӆты касапса положенияйн Фонд официальной сайтан ӆуӊатты рахаӆ. Нох питты хоятат уйт ӆор тыӆась оӆаӊмет хатӆ эӆты нопса понам верӆаӆ тыйӆты верытӆат. Сит эӆты ЯНАО куся пресс-служба ясаӊ верас.
«Округ губернатор грант касапсаята китты хорпи заявка там касапсая мосмитаӆ. Пиӆтасьты хоятат округ сайт хося утаӆтыты ураӊан понам нэпекат вантты верытӆат. Сита антом туп хоты кашӊ раздел нэпекат туӊа-сира ӆэсятты мосаӆ, хоӆна письма шаблонат па чек-нэпекат понман уӆӆат. Хоты туӊа-сира ӆувиӆаӆ ӆэсятты, сита вантаты. Хой инсясапсайт тайӆ, специалистат эӆты ӆэрапты рахаӆ», — «Гранты Ямала» АНО куся ху Хизри Алхаматов ясаӊ верас.
Заявка китты ураӊан, Созидатели.рф федеральной портал хося ханшӆтантыты мосаӆ, онлайн-заявка ӆэсятты па китты. Нох питам НКО ёх ущ тыӆасян ястаӆайт.
Альбина Тырлина ханшам потар
Авторы
Лух Авт
Темы