Лух Авт
Хон мув ӆоватан округев няӆмет тахайн
Ван хатӆап тыӆасян хусмет хатаӆан Ямал Заксобрание Комитетан, округева леккарат рупитты ёхатты ураңан, инсясапса ӆэрапса. ЯНАО здравоохранение ясаң эӆты, ихосьяң тыӆась хуват округеван яң сёрс хоят кутан хутъяң пеӆа ӆапат леккар ӆуңтасаӆ. Си показатель хуват — сит няӆмет таха хон мувев кутан.
Яӆап таӆ эӆты округ леккар хотатан хуӆамсот пеӆа ветъяң леккар рупитты питас. Округева ар программа хуват хоятат рупитты йиӆат. «Куртаң леккар» па «Куртаң фельдшер» федеральной программайңан хуват вошатан па куртатан ветъяң сёрс унты хоят уӆты вераӆ уӆ. 2023-мет таӆан си программа хуват хольмаң пеӆа яртъяң хоят леккар хотата рупитты йис.
Си тумпийн «Округева мосты леккарат» округ программа хуват хольмаң моӆтас специалист ёхтас. Си программа хуват рупитты хоятат антом туп куртата, вошата па ёхатты верытӆат. Шеңк мосты леккарат йи миллион соӆкува ёша паятӆат: ветсот — хун рупитты питсяӆат, хасям охаӆ кат таӆ хасьты юпийн сохаптаӆа.
Округеван леккар хотан рупитты хоятат 80% Овс мув нётты охан мохты сохаптаӆайт, уӆты хотан маӆайт. Там таӆан ветъяң пеӆа хуӆам хоят хот шитсат. Яң таӆ ки рупитаӆ — хотаӆ ӆувеӆа ӆуңтасты питаӆ. Хот омасты мув сот хуӆам хоята маса.
Альбина Тырлина ханшам потар
Авторы
Лух Авт
Темы