Лух Авт
Хонсяпса эӆты хурыман уӆаты
Округеван ар хоят грипп па ОРВИ хонсяпсайн мушитты питас, хасям ӆапатан яң сёрс моӆтас хоята йис. Ар пелак хоятат антом шеңк ӆавартан кашитӆат. Округ леккар хотатан няӆсот пеӆа хутхосьяң хоят оӆаӆ. Ӆув кутэӆан — уна ювам хоятат, няврэмат, муш тайты хоятат.
«Округев хуват амбулаторной службайт етан яртъяң сёс унты рупитӆат. Температура тайты па шеңк кашитты хоятата леккарат ёхи вохты мосаӆ. Леккар хотан маска тайты.
Округеван рупитты леккарат яң сёрс кем хоят кашң хатӆ вантӆат. Леккар хотатан няӆсот пеӆа хольмаң нийӆ оӆты таха ӆарпитман уӆ. Мосты портунат, маскайт, тестат иса уӆӆат. Катсот пеӆа нийӆъяң няӆ ИВЛ аппарат ӆэсятса. Ар пелак леккар хотан уӆты хоятат коронавирус па грипп хонсяпсайңан эӆты портун ант поныӆысат. Портун понты утситы хоятат, леккар хотата яңхты верытӆат. Портун моӆтаса ӆутман уӆ», — ЯНАО здравоохранение департамент куся оӆаң ӆаңкар нэ Мария Захарова ясаң верас.
Ямал мув хуват леккар хотан рупитты хоятат округ хоятӆув шавиман тайты парӆат, портун понты вохӆат. Мушитты ки питсясты, ар хоятаң тахаята век аӆ яңхаты.
Альбина Тырлина ханшам потар
Авторы
Лух Авт
Темы