Лух Авт
«Хорам хотвоӆ» касапса пуншса
Ӆорвош районан хуӆмет пуш «Милый сердцу уголок» хорамаңа ӆэщатам хотвоӆ пирыты касапса пуншса. Унт ӆор тыӆащ нийӆхусмет хатӆ унты заявка нэпекат акатӆайт.
Нэман актам комиссия вантты питаӆ, хой хоятат ов харӆаӆ ӆуңан сыстама па хорамаңа ӆэщатман тайӆаӆӆаӆ. Таӆ пора сыс там касапсайн па ӆуңатӆа. Хот пуңаӆан омасты арсыр ампарат, гараж, мис па ӆов хотат, хот нэпекат хуват вантӆайт. Иса ханшман уӆӆат, муй па антом. Хотвоӆа ӆуңтасты муваӆ иса сыстам, мосаң хот шанш пелакан ант мосты пормасат па нампар керытӆыйӆ. Кашң щуң валэмаӆа.
Сусан, «Живые традиции» уйтантопсайн ястаӆа, маты куртаң ов хар мет хорамаң. Оӆаң местая этам хотвоӆ, хотаң хоятӆаӆ сот щёрас соӆкувайн мойӆаптаӆайт. Хус щёрас соӆкувайң няӆ мойӆапса па ӆэщатӆа.
Туняӆ там касапсайн Ямкурт эӆты Александр Николаевич па Вероника Тимофеевна Куртямовңан нох питсаңан.
Зоя Куртямова ханшам потар