обновлено: 05:40, 09 октября 2025
Лух Авт
Хорсащты питщасув
Хащам тыӆащан Ямал муван вуӆэӊ ёх хорсащты питщасат. Кев леп районан «Паюта» нэмпи нёхи ӆэщатты комплексан хащам тыӆащ сыс сот хольмаӊкем тонна вуӆы нёхи хорса.
Щёхар тыӆащан хорсащты харан кат щёрс ярсот пеӆа хутъяӊ хуӆам вуӆы пайтса. Войӆаӆ арпелак няӆъяӊ хуӆам киӆа кемат усат. Щитан там пуш туняӆ эӆты ӆапат тонная аршак нёхи ӆэщатса. Туняӆ ищи сыс катсот пеӆа хутхощъяӊ тонна туп хорса.
Ищкия йиты юпийн, Белоярск вошан убойной пунктан хорсащты питщаӆа. Щита ӆапатсот пеӆа ветъяӊ тонна вуӆы нёхи хорты вер уӆ. Округ ӆоватан хота кепа айӆтыена там вер еӆӆы туӆа.
Валентина Рохтымова ханшам потар
