Лух Авт
Хошам хатӆат си ёхатсат
Хув ӆаваӆты ван луӊев Овс мувева шаӊкап ёхтамтас. Каматса хатӆ сыс мувев мохты па хорпия йис. Тыӆась хасяс, хоты мувев иса нови ус: ӆонсь оӆас, еӊкев там ванан манас. Ин па иса хорам — кашӊ тахайн ваншеӆ востыя йис, юхатан лыптат ӆарпиӆасат.
Хошам хатӆат ёхатман, ёӆан омасты ант верытӆа. Няврэмат таӆаӊ хатӆ каман наварӆат. Сютсяты хатӆатан, кум тайман, хоятат аршак каман яӊхӆат, вош лепан уӆты унта манӆат: нёхи шарытӆат, шай йинсьӆат.
Унтан мет сора хорамаӊа йиӆ. Сумтат па хаш юхат ям ӆоват лыпатан этсайт. Хуӆ юхат, сикуш таӆ сыс восты ольпаӊат ӆойӆат. Туп ӆув па па хорпия йисат: нувӆаӆан яӆап шуват похнапсат. Наӊк юхиет яӆап восты йинтпатан энапсайт.
Муӊ па, куртан энамты хоятат, хошма йиты хатӆатан унта яӊхты ӆытӆаюв. Мувев яӆпиӆыты сыс Шитамкурта яӊхсув: порыӆысув, сыстам ӆыӆ шуван ӆаӆсув, унт хуват, ёхан пеӆа шушиӆысув.
Там лопасан сита верам хорат понӆув. Кум тайман, нын па унта яӊхаты, сютсяты, муӊев хорам хорат китаты.
Альбина Тырлина ханшам потар
Авторы
Лух Авт
Темы