Лух Авт
Хоттэӆ хоятат касӆат
2024-мет таӆ «Хон мув хоттэӆ таӆа» постаман уӆ. Хащам таӆ ван хатӆап тыӆащ ветхощъяңмет хатаӆан Хон мув ӆоват «Всей семьёй!» касты проект пуншса. Лорвош районэв эӆты вет семья щи касты хара пиӆтащсат.
Кашң ӆапат хоттэӆ хоятат моӆты верты партапсайн маӆайт. Верты рупатайӆаӆ анта куш ӆавартат, туп мийм рупата хотаң хоятӆаӆа яха верты мосаӆ. Верты пуляң па етшаты юпийн хорат «ВКонтакте» па «Одноклассники» социальной сеть хоща понтыя мосаӆ па #всей семьей хэштэг ясаң ханштыя. Там касапса ун кер тыӆащан етшаӆ, щи порайн оӆңа этам хоттэӆ нэм ястаӆа. Мет яма пиӆаңа рупитты семьяйт мойӆапсайн мойӆаптаӆайт. Нох питам хоттэӆ хоятат Хон мув вошат вантты манӆат.
Хащам ӆаптатан, партам касапсайн яӆап таӆ кеша унта щутщаты яңхты, щита шай йинщты, ёнтты, ёӆан хуӆ юх хорамтаты, мойӆапсайт ӆэщатты, хатань паӆат верты мосас. Касты хоттэӆат кутан Ӆопхари куртан уӆты Яркинат семья оӆңа этас.
«Хун ма там касапса эӆты ӆуңатсам па хоттэӆ мохиӆама ястасам, ийикем, няврэмӆам мохты кашащсат. Там касты харан муң вет партапса версув. Ой тайсув таңха па там кут оӆаң местая этсув. Ozon ӆапкайн моӆты ӆуттыя, кат щёрас соӆкува мойӆапса нэпекан масаюв. Няврэмӆам ястаӆат: «Еӆӆы, касты партапсайт мет ямашак верты питӆув». Муң хоттэӆ щиран арсыр касапсаята ёнтты, касты яңхӆув. Кутӆуван нётман уӆӆув, муй иса яха верӆув.
Там касапса тумпийн муң хоӆна Хон мув ӆоватан дистанционной касапсайн «Это у нас семейное» па касӆув. Яӆап таӆ тыӆащ етшаты еӆпийн касапса хащам ят питаӆ. Нох питам хоттэӆат Москва воша касты манӆат», — Лидия Александровна ястас.
Зоя Куртямова ханшам потар
Авторы
Лух Авт
Темы